श्री क्षेत्र कानिफनाथ गढ बोपगाव पुणे | shri kshetra kanifnath gad pune

Описание: #Kanifnath_Temple #कानिफनाथ_मंदिर #kanifnath_mandir

Kanifnath Temple Pune | कानिफनाथ मंदिर बोपगाव पुणे | भाग-१ -    • Видео  
Kanifnath Temple Pune | कानिफनाथ मंदिर बोपगाव पुणे | भाग-२ -    • Kanifnath Temple Pune🚩| कानिफनाथ मंदिर बोप...  

श्रीक्षेत्र कानिफनाथ गड बोपगाव पुणे.
महाराष्ट्रात शैव आणि शक्ती देवतेखालोखाल दत्तसंप्रदायाचा सर्वत्र प्रसार झालेला आहे. डोंगर दऱ्या, शिखरांच्या टोकांवर अनेक ठिकाणी अशा नाथपंथीय स्थानांची निर्मिती झाली आहे. पुण्याच्या दिवे घाटाजवळच्या डोंगरावर थाटलेले हे स्थानही यापैकी एक!

कानिफनाथ गड सह्याद्रिच्या पर्वतरांगामध्ये सासवडच्या पश्चिमेला बोपगांव येथे आहे. कानिफनाथगडावर कानिफनाथ यांचे एक प्राचिनकालीन ( सुमारे ८०० वर्षापूर्वीचे ) सुंदर मंदिर आहे. हे मंदिर ते या पंचक्रोशितील शिल्पकलेचा एक उत्तम नमुना आहे.  आज आपण त्याच मंदिराला भेट देणार आहोत व त्या मंदिरासंदर्भात संपूर्ण माहिती सुद्धा घेणार आहोत.

पुण्यापासून साधारण २५ किलोमीटर अंतरावर कानिफनाथ मंदिर आहे तिकडे पोहचण्यास साधारण ४५ मिनिटांचा अवधी लागतो. पुण्याच्या दक्षिणेकडून सिंहगडची डोंगररांग खालीवर होत पूर्वेला अगदी यवतजवळच्या भूलेश्वपर्यंत पसरलेली आहे. चढ-उतारांच्या या रांगेमध्ये दिवे घाटाजवळ एक शिखर थोडेसे मान उंचावून बसले आहे. याच शिखरावर कानिफनाथ मंदिर आहे. कानिफनाथ ला जाण्या साठी पुण्यापासून २ घाट पार करावे लागतात .

पुण्याहून सासवड कडे जाताना खडी मशीन चौक मग बोपदेव घाट मार्गे  बोपगाव या गावाजव कानिफनाथ मंदिराकडे जायला एक फाटा आहे. ह्या रस्त्याच्या आजूबाजूला शेती आणि बंधारे असल्यामुळे पावसाळ्यात हा परिसर नयनरम्य दिसतो. रस्त्याच्या डाव्या बाजूला मंदिराकडे जाण्यासाठीची कमान लागते या कमानीतून किंवा या फाट्यावरून सुमारे 3-4 km पुढे गेल्यानंतर एक छोटा घाट चढून वेडी वाकडी वळणे घेत घाटरस्ता संपल्यानंतर आपण कानिफनाथ मंदिराच्या पायथ्यापर्यंत येऊन पोहचतो. घाटरस्ता संपल्यानंतर गाडी पार्किंगसाठी मोठे पटांगण आहे.

या डोंगरावरती आल्यावर दोन मंदिरे दिसतात. एक उंचावर आहे ते कानिफनाथाचे. मंदिरासाठी काही पायर्‍या चढून वर जावे लागते. थोड्या पायर्‍या चढून गेल्यानंतर नव्याने उभारलेला सभामंडप दिसतो, पंचक्रोशीतील लोकसहभागातून या मंदिराचा कायापालट झाला आहे. मुळचे मंदिर लहान आहे. मंदिर म्हणजे एक छोटी गुहा आहे, त्यात सरपटत आत शिरावे लागते. मंदिरातील गाभारा मोठा आहे. तिथला पुजारी आत शिरण्याची युक्ती सांगतो. आत शिरण्यापूर्वी शर्ट, बनियन, बेल्ट काढून आत शिरावे लागते. आतमध्ये शिरल्यावर अंधाराला डोळे सरावतात आणि थोड्याच वेळात समाधी नीट दिसू लागते. मंदिरामध्ये जाण्यासाठी दरवाजा नसून खिडकी वजा १ फुट बाय १ फुटाची चौकट आहे, या चौकटीतून कितीही जाड असलेल्या व्यक्तीला सरपटत आतमध्ये जाता येते. आतमध्ये पंधरा वीस जण मावू शकतील एवढा मोठा गाभारा आहे.आतमध्ये प्रवेश केल्यानंतर समोर दिसते ती यावनी दर्ग्या सारखी कानिफनाथांची समाधी. धूप व फुलांचा सुगंध मन प्रफुल्लीत करतो. मशिदीसारखे त्यावर एक कापड पसरलेले दिसले. ज्याप्रमाणे आतमध्ये प्रवेश केला तसेच बाहेर पडावे लागते. बाहेर येताना जसे आत शिरलो तसेच बाहेर पडता येते. मुख्य गर्भगृहात स्त्रियांना प्रवेश नाही तसेच पुरुषांसाठी सदरा व कंबरपट्टा बाहेर काढुनच आत प्रवेश करावा लागतो.

कानिफनाथाच्या या अद्भुत दर्शनातून बाहेर यावे, तो बाहेरच्या निसर्ग देखाव्यात अडकायला होते. उत्तरेकडे पुण्याचा विस्तार त्याच्या सीमा शोधा म्हणून सांगतो तर तेच दक्षिणेकडे पुरंदर-वज्रगड, सूर्य पर्वत आदी डोंगर अनंताचा पसारा घेऊन उभे राहतात. सिंहगड, कात्रज, दिवे घाट या साऱ्या ओळखीच्या खाणाखुणा दिसू लागतात. पावसाळ्यात तर या साऱ्या भूमीवर हिरवाईची दाट मखमल पसरते. मग या वेळी कात्रज-कानिफनाथ, कानिफनाथ-मस्तानी तलाव, मल्हारगड-दिवेघाट-कानिफनाथ अशा भटक्यांच्या डोंगरयात्रा सुरू होतात.

भक्तांसाठी इथे देव आहे, तर भटक्यांसाठी डोंगर. नीरव शांतता आहे, हिरवा निसर्ग आहे. सकाळ-संध्याकाळी पोहोचलात तर कधी-कधी मोरांचे बागडणेही दिसते. पुण्याजवळ एक दिवसाच्या सहल-भ्रमंतीसाठी कुठे जावे असा अनेकांना नेहमी प्रश्न पडतो. पण अशांनी आपल्या अवतीभोवतीच थोडीशी नजर फिरवली आणि शुद्ध हेतूने भरारी घेतली, तर त्यांना असे अनेक ‘कानिफनाथ’ सहज दर्शन देऊन जातील!

कानिफनाथ महाराज हे नवनाथ महाराजां पैकी एक आहेत. श्री क्षेत्र मढी, जिल्हा अहमदनगर येथे त्यांची समाधी आहे. त्यांच्या शिष्य वर्गात आवजीनाथ महाराजांचा समावेश आहे .

तुम्हाला हा व्हिडियो आवडला तर ह्या विडिओला LIKE करा तसेच तुमच्या मित्रांबरोबर हा व्हिडियो SHARE करा. आणि अजूनपर्यंत तुम्ही आपला चॅनल SUBSCRIBE नसेल केला तर आमचा चॅनेल सुद्धा नक्की SUBSCRIBE करा. त्याचबरोबर SUBSCRIBE बटनाच्या बाजूला एक बेलचा आयकॉन आहे त्यावरती सुद्धा क्लिक करा म्हणजे आपल्या चॅनेलवर नवीन येणाऱ्या व्हिडियोचे नोटिफिकेशन सुद्धा तुम्हाला मिळतील.

playlists :
lifestyle Vlog's | वलॉग्स :    • lifestyle Vlog's | वलॉग्स  

Travel & Entertainment Documentary's | महाराष्ट्रातील पर्यटन स्थळे :    • Travel & Entertainment Documentary's | महा...  

Follow me on :
Instagram :   / umeshmahadik7  
Facebook :   / umeshmahadik57  

Email ID : [email protected]
Amazon shopping Link - https://amzn.to/358EqBX

#kanifnath_bopgaon #श्री_क्षेत्र_कानिफनाथ_गड #कानिफनाथ_गड #kanifnath_gad #kanifnath_temple_saswad #kanifnath_temple_vlogs #kanifnath_vlog #gadkille #महाराष्ट्रातील_प्रसिद्ध_मंदिरे #पुण्यातील_प्रसिद्ध_मंदिरे #Temple #Mandir

If you like the video, don't forget to LIKE, SHARE, SUBSCRIBE & COMMENT.

For Business Inquiries & Sponsorship
Email Id : [email protected]