Daagi Yundumu || Daily God's Word || March 15th

Описание: దాగియుండుము

"మీ జీవము క్రీస్తుతో కూడ దేవునియందు దాచబడియున్నది. మనకు జీవమైయున్న క్రీస్తు ప్రత్యక్షమైనప్పుడు మీరును ఆయనతోకూడ మహిమ యందు ప్రత్యక్షపరచ బడుదురు" (కొలొస్స. 3:2-4).

ఇచ్చట ఒక నిజమైన క్రైస్తవునియొక్క రెండు అనుభవములు పేర్కొనబడినవి: (1) అతని జీవము క్రీస్తుతో కూడ దాచబడియున్నది. (2) క్రీస్తు ప్రత్యక్షమైనప్పుడు అతడు ఆయనతో కూడ మహిమయందు ప్రత్యక్షపరచబడును. మనము క్రీస్తుయందు దాచబడియుంటేనే ఆయన వచ్చునప్పుడు ఆయనతో కూడ మహిమలో ప్రత్యక్షపరచబడుదుము. అందరిచేత పొగడ్తలందుకొని ప్రఖ్యాతి చెందవలెనని ప్రయత్నించు దేవుని ప్రజలు, క్రీస్తు మహిమయందు ప్రత్యక్షమగునప్పుడు సిగ్గుతో కప్పబడినవారై దాగుకొనవలసి వచ్చునేమో!

ఏలీయా తన్ను తాను అగుపరచుకొనకముందు అతడు దాగియుండవలెనని చెప్పబడెను. "నీవు ఇచ్చటనుండి తూర్పువైపునకు పోయి.. దాగియుండుము" (1 రాజు. 17:3). 'తూర్పున సూర్యుడు ఉదయించును. ఒక నిజమైన దేవుని బిడ్డ, దేవుని సన్నిధియైన సూర్య ప్రకాశములో దాగియుండుటకు నేర్చుకొనవలెను. అలాగైనయెడల 'నీవు వెళ్లి ధర్శించుము" అని దేవుడు ఏలీయాతో సెలవిచ్చినట్లుగా, ఒకానొకరోజు ప్రభువు నీతో చెప్పెదరు (1 రాజు 18:1), ఏలీయా వెళ్లి దర్శించినప్పుడు ఇశ్రాయేలీయుల రాజ్యములో గొప్ప కార్యములు చేయబడెను.

దావీదుయొక్క బలాఢ్యుల జాబితాలో మనము మరెచ్చటను చదువని ఒక వ్యక్తిపేరు మొదటిగా నుండుట ఆశ్చర్యకరముగా ఉన్నది. "8. దావీదు అనుచరులలో బలాఢ్యులెవరనగా యోషే బెష్షెబెతను ముఖ్యుడగు తక్మోనీయుడు; (2 సమూ. 23:8). అతడు ఒక 'మరుగై యున్న పరిశుద్ధుడు'గా యుండెను.

ప్రియమైన దేవుని బిడ్డా, నీవు ఒకవేళ పేరు ప్రఖ్యాతులను లోక మెప్పులను అందుకొనవలెనని తపించినయెడల, ఒక దినము రానైయున్నది. ఆ దినమున నీయొక్క మహిమ సిగ్గుగా మారును. అయితే నీవు తగ్గింపుతో వినయముతో ప్రభువునందు దాగుకొనుటకు నేర్చుకొనినయెడల, నీవు క్రీస్తుతో కూడ మహిమలో ప్రత్యక్షమగు ఒక మహిమకరమైన దినము నిశ్చయముగా వచ్చును.