Kshemaabhivruddhi Kalugajeyu Naalukaa || March 16th

Описание: క్షేమాభివృద్ధి కలుగజేయు నాలుక

ఒక వ్యక్తి పరిశుద్ధాత్మను పొందినప్పుడు మొదట దేవుడు అతని నాలుకను తన స్వాధీనమందుంచుకొనును. 'అందరు పరిశుద్ధాత్మతో నిండినవారై ఆ ఆత్మ వారికి వాక్శక్తి అనుగ్రహించినకొలది అన్యభాషలతో మాటలాడసాగిరి" (అపొ.కా. 24). 'భాషతో మాటలాడువాడు తనకే క్షేమాభివృద్ధి కలుగజేసికొనును" (1 కొరింథీ. 14:4). అన్య భాషలతో మాట్లాడుట ద్వారా స్వరపేటికకు ప్రాణం పోయబడి నరములన్నియ సరియైన విధముగా క్రియ చేయవలెనని స్వరపేటిక ఆజ్ఞాపించునను వాస్తవమును ఇది మనకు విశదపరచుచున్నది.

మనయొక్క నాలుక మన హృదయము పైన ప్రభావము కలిగి యున్నది. "హృదయము నిండియుండు దానినిబట్టి యొకని నోరు మాటలాడును" (లూకా 6:45). "ఎవడైనను నోటికి కళ్లెము పెట్టుకొనక తన హృదయమును మోసపరచుకొనుచు భక్తిగలవాడనని అనుకొన్ని యెదల వాని భక్తి వ్యర్ధమే" (యాకో. 1:26). "నా నోటి మాటలును నా హృదయ ధ్యానమును నీ దృష్టికి అంగీకారములగును గాక" (కీర్త. 19:14.
నాలుకకు చెవికి కూడ సంబంధము కలదు. "అలసినవాని మాటలచేత (నాలుక - ఆంగ్ల) ఊరడించు జ్ఞానము నాకు కలుగునట్లు.. ప్రభువగు యెహోవా నా చెవికి విను బుద్ధి పుట్టింపగా" (యెష. 50:4,5) అని చదువుచున్నాము. యెషయా 6:4-8-లో ప్రవక్తయొక్క నాలుక శుద్ధి చేయబడుటతోడనే అతడు దేవుని స్వరమును వినగలుగు చున్నాడు. మరియు అతని జీవితము దేవుని పిలుపుకు లోబడుటకు సిద్ధముగా ఉన్నట్లుగా మనము చూచుచున్నాము. వేరొక విధముగా చెప్పాలంటే, నీవు దేవుని స్వరము విననియెడల నీ నాలుక శుద్ధీకరణ అవసరమని అర్ధము.

వినువారికి మేలు కలుగునట్లు అవసరమునుబట్టి క్షేమాభివృద్ధికరమైన అనుకూలవచనమే పలుకుడి గాని దుర్భాషయేదైనను మీ నోట రానియ్యకుడి" (ఎఫెసీ, 4:29), "ప్రతి మనుష్యునికి ఎలాగు ప్రత్యుత్తరమియ్యవలెనో అది మీరు తెలిసికొనుటకై మీ సంభాషణ ఉప్పువేసినట్టు (కారము వేసినట్లు కాదు) ఎల్లప్పుడు రుచిగలదిగాను కృపాసహితముగాను ఉండఇయ్యుడి" (కొలొస్స. 4:6).