Kadupuku Ahaaramu || Daily God's Word || March 18th

Описание: "కడుపుకు ఆహారము"

లోకములోనికి మొట్టమొదటి పాపమును తీసికొనివచ్చిన సర్పము అడిగిన మొదటి ప్రశ్న ఆహారమును గురించియే లోక సంబంధమైన వస్తువులను గురించి మనకున్న శ్రద్ద, జాగ్రత్త - అనేక సందర్భములలో మన ఆధ్యాత్మిక క్షేమమును ఆటంకపరచుచున్నది.

దేవుడు వారికి సమృద్ధియైన ఆహారమును అనుగ్రహించి యున్నాడు. గనుక ఆహారమును గురించిన విషయమును సాతాను మాటాలాడనారంభించుటకు ఆ స్త్రీ అనుమతింపవలసిన కారణ మేమియు లేదు. దేవుడు తమకొరకు అదివరకే ఉద్దేశించి, సిద్ధపరచి పెట్టిన వస్తువులను గురించి అనేకులు కలత చెంది తొందరపడు చున్నారు. "ఏమి తిందుమో యేమి త్రాగుదుమో అని మీ ప్రాణమును గూర్చియైనను... చింతింపకుడి" "ఇవన్నియు మీకు కావలెనని మీ పరలోకపు తండ్రికి తెలియును" (మత్త, 6:25,32), ధనవంతుడు మరియు లాజరు కథలో ధనవంతుడు ప్రతిదినము బహుగా సుఖపడుచు చివరికి నరకమునకు వెళ్లెను. అచ్చట త్రాగుటకు కనీసము ఒక్క బొట్టు నీళ్లు కూడ దొరకక నాలుక ఎండి పోయి అతడు పస్తుతో అలమటించెను.

నలువది దినములు ఉపవాసము తరువాత యేసు ప్రభువుకు వచ్చిన మొదటి శోధన ఆహారమును గూర్చియే. అపవాది యేసుతో, "నీవు దేవుని కుమారుడవైతే ఈ రాళ్లు రొట్టెలగునట్లు ఆజ్ఞాపించుమనెను" (మత్త. 4:3). "అందుకాయన మనుష్యుడు రొట్టెవలన మాత్రము కాదు గాని దేవుని నోటనుండి వచ్చు ప్రతిమాటవలనను జీవించును అని. వ్రాయబడియున్నదని "చెప్పి (వాక్య, 4) దేవుని వాక్యముచేత శోధనను జయించెను.

ప్రియ దేవుని బిడ్డా, ఎటువంటి ఆహారమైనను సరే దానిని ఆశించకుము నీ కడుపే నీ దేవుడుగా మారనివ్వకుము.