1111D)15.1.26–P3- BHAGVAT 10ASKANDH (OOTR) 78ADHYAY– DANTWAKATRA AUR VIDURATH-KA TATHA BALRAMJEE

Описание: (link -    / @harendrasinha7467  )
1111DAY) 15.01.2026 – PART3 - SHREE MAD-BHAGVAT MAHAPURAN DASHAM ASKANDH (OOTRARDH) ATHATTERWAAN (78) ADHYAY – DANTWAKATRA AUR VIDURATH-KA TATHA TIRTH-YATRA-MEIN BALRAMJEE-KE HAATH-SE SOOTJEE-KA VADH - BY Dr. HARENDRA PRASAD SINHA

Continued-------
1111DAY)
OM NAMO BHAGVATE VAASUDEVAYA
SHREE MAD-BHAGVAT MAHAPURAN
DASHAM ASKANDH
(OOTRARDH)
ATHATTERWAAN (78) ADHYAY
DANTWAKATRA AUR VIDURATH-KA-OODDHAAR TATHA TIRTH-YATRA-MEIN BALRAMJEE-KE HAATH-SE SOOTJEE-KA VADH

Shree SHUKDEVJEE kahte hain - PARIKSHIT! BALRAMJEE-NE kaha - "Jo log Dharm-ka chinnh dhaaran karte hain, parantu Dharm-ka paalan nahin karte, Ve adhik paapi hain aur Ve Mere liye vadh karne yogya hain. Iss jagat-mein Isiliye maine Avtar dhaaran kiya hai". Bhagwan BALRAM yadyapi tirth-yatra-ke kaaran dooshton-ke vadh-se bhi alag ho gaye the, phir bhi itna kahker Unhone Apne Haath-mein isthit Kush-ki nok-se SOOTJEE-PER prahaar ker diya aur Ve turant mur gaye. Honhaar hi aisi thi. Sootjee-ke marte hin sab Rishi-Muni HAAY-HAAY karne lage, sabke chitt khinn ho gaye. Unhone Devadhidev Bhagwan BALRAMJEE-SE kaha - "PRABHO! Aapne yah bahoot bada adharm kiya. YADUVANSH-SHIROMANE! Sootjee-ko Ham logon-ne hi Braahmanochit aasan-per baithaya tha aur jabtak Hamara yah satra samapt na ho, tabtak-ke liye Unhein sharirik kusht-se rahit aayu bhi de di thi.
Aapne anjaan-mein yah aisa kaam ker diya, jo Brahm-hatya-ke samaan hai. Hamlog yah maante hain ki Aap Yogeshwar hain, Ved bhi Aapper shasan nahin ker sakta. Phir bhi Aapse yah prarthna hai ki Aapka Avtar logon-ko pavitra karne-ke liye huaa hai; yadi Aap kisi-ki prerna-ke bina swaim Apni ichchha-se hi iss Brahm-hatya-ka prayashchit ker lenge tau isse logon-ko bahoot shiksha milegi."
Bhagwan BALRAM ne kaha - Main logon-ko shiksha dene-ke liye, logon-per anugrah karne-ke liye iss Brahm-hatya-ka prayashchit avashya karunga, atah iske liye pratham shreni-ka jo prayashchit ho, Aaplog oosika vidhaan kijiye. Aaplog Iss SOOT-KO lambi Aayu, Bal, Indriya-shakti aadi jo koochh bhi dena chahte ho, Mujhe batla dijiye; Main Apne Yogbal-se sab koochh sampann kiye deta hoon.
RISHIYON ne kaha - Aap aisa koyee upaya kijiye jisse Aapka Shshtra, Parakram aur Inki mrityu bhi wyarth na ho aur Hamlogon-ne Inhein jo vardhan diya tha, wah bhi Satya ho jaaye.
Bhagwan BALRAM ne kaha - RISHIYON! Vedon-ka aisa kahna hai ki Aatma hi Putra-ke roop-mein utpann hota hai. Isliye ROMHARSHAN-KE asthan-per Unka Putra Aaplogon-ko Puran-ki katha sunayega. Oose Main Apni shakti-se Dirghayu, Indriya-shakti aur Bal diye deta hoon. RISHIYON! Iske atirikt Aaplog aur koochh bhi chahte hon, Mujhse kahiye. Main Aaplogon-ki ichchha purn karunga. Anjaan-mein Mujhse jo apradh ho gaya hai, ooska prayashchit bhi Aaplog soch-vicharker batlaeye; kyaunki Aaplog iss vishaya-ke viddhwan hain.
RISHIYON ne kaha - BALRAMJEE! EELVAL-KA Putra BALVAL naam-ka ek bhayanker Daanav hai. Wah pratyek Parv-per yahan aa pahunchta hai aur Hamare Satra-ko dooshit ker deta hai. YADU-NANDAN! Wah yahan aaker Peeb, Khoon, Vishtha, Mootra, Sharab aur Maans-ki varsha karne lagta hai. Aap oos paapi-ko maar daaliye. Hamlogon-ki yah bahoot badi seva hogi. Iske baad Aap ekagra-chitt-se tirthon-mein asnan karte huye Baarah (12) Mahinon-tak Bharatvarsh-ki parikrama karte huye vichran kijiye. Isse Aapki Shuddhi ho jaayegi. OM PARMATMANE NAMAH.
Prarthana:- Kripakar lekh ko apne sabhilogon ko batein (share karein) taki ve bhi iska laabh utha sakein aur kalyan ho. FB or whats app per link ko copy kar.