1118D)22.1.26–P4-BHAGVAT 10ASKANDH (OOTR) 80ADHYAY – SHREE KRISHN-KE DWARA SUDAMAJEE SWAGAT -SINHA

Описание: (link -    / @harendrasinha7467  )
1118DAY) 22.01.2026 – PART4 - SHREE MAD-BHAGVAT MAHAPURAN DASHAM ASKANDH (OOTRARDH) ASSIWAAN (80) ADHYAY – SHREE KRISHN-KE DWARA SUDAMAJEE-KA SWAGAT - BY Dr. HARENDRA PRASAD SINHA

Continued-------
1118DAY)
OM NAMO BHAGVATE VAASUDEVAYA
SHREE MAD-BHAGVAT MAHAPURAN
DASHAM ASKANDH
(OOTRARDH)
ASSIWAAN (80) ADHYAY
SHREE KRISHN-KE DWARA SUDAMAJEE-KA SWAGAT

Bhagwan Shree KRISHN ne kaha - BRAHMAN! Jis samaya Hamlog Gurukool-mein niwas ker rahe the, oos samaya-ki wah baat Aapko yaad hai kya, jab Ham dono ek din Hamari Guru-Patni-ne Indhan laane-ke liye jangal-mein bheja tha. Oos samaya Hamlog ek ghor jangal-mein gaye huye the aur bina Reetu-ke hi bada bhayankar aandhi-paani aa gaya tha. Aakash-mein bijli kadakne lagi thi. Tabtak Suryast ho gaya tha; chaaron oar andhera-hi-andhera phail gaya. Dharti-per isprakar paani-hi-paani ho gaya ki kahan gaddha hai, kahan kinara, iska pata hi nahin chalta tha. Wah varsha kya thi, ek chhota-mota pralaya hi tha. Aandhi-ke jhatkon aur varsha-ki bauchhar-se Hamlogon-ko badi peeda huyee, disha-ka gnyan na raha. Hamlog atyant aatoor ho gaye aur ek-dusare-ka Haath pakadker jangal-mein idher-oodher bhatakte rahe.
Jab Hamare Gurudev SAANDIPINI Muni-ko iss baat-ka pata chala, tab Ve Suryodaya honeper Apne Shishy Hamlogon-ko dhoondhte huye jangal-mein pahunche aur Unhone dekha ki Ham atyant aatoor ho rahe hain. Ve kahne lage - "Aashcharya hai, Aashcharya hai! PUTRO! Toomlogon-ne Hamare liye atyant kusht oothaya. Sabhi praniyon-ko apna sharir sabse adhik pyara hota hai; parantu Toom dono ooski bhi parwa na karke Hamari seva-mein hi sanlagn rahe. Guru-ke Reen-se mukt hone-ke liye Sat-shishyon-ka itna hi kartawya hai ki Ve vishuddh bhaav-se Apna sab koochh aur shari bhi Gurudev-ki seva-mein saamarpit ker dein.
DWIJ-SHIROMANIYON! Main Toomlogon-se atyant prasann hoon. Toomhare saare manorath, saari abhilashayein purn hon aur Toomlogon-ne Hamse jo Vedadhyayan kiya hai, wah Toomhein sarvda kanthasth rahe tatha Iss Lok evam Perlok-mein kahin bhi nishfal na ho". Priy MITRA! Jis samaya Hamlog Gurukool-mein niwas ker rahe the, Hamare jeevan-mein aisi-aisi anekon ghatnayein ghatit huyee theen. Ismein sandeh nahin ki Gurudev-ki kripa-se Manushya shanti-ka adhikari hota hai aur purnta-ko prapt karta hai.
Braahman-devta ne kaha - Devtaon-ke AAARADHYADEV JAGADGURU SHREE KRISHN! Bhala, Ab Hamein kya karna baaki hai? Kyaunki Aapke saath, jo satya-sankalp PERMATMA hain, Hamein Gurukool-mein rahne-ka saubhagya prapt huaa tha. PRABHO! Chhandomay Ved Dharm, Arth, Kaam, Moksh - Chaturvidh Purusarth-ke mool Shrot hain; aur Ve hain Aapke SHARIR. Wahi Aap Vedadhyayan-ke liye Gurukool-mein niwas karein, Yah Manushya-Lila-ka abhinaya nahin tau aur kya hai? OM PARMATMANE NAMAH.
Prarthana:- Kripakar lekh ko apne sabhilogon ko batein (share karein) taki ve bhi iska laabh utha sakein aur kalyan ho. FB or whats app per link ko copy kar.