1112D)16.1.26–P1-BHAGVAT 10ASKANDH (OOTR) 79ADHYAY – BALVAL-KA OODDHAAR AUR BALRAMJEE-KI TIRTH-YATRA

Описание: (link -    / @harendrasinha7467  )
1112DAY) 16.01.2026– PART1 - SHREE MAD-BHAGVAT MAHAPURAN DASHAM ASKANDH (OOTRARDH) OON-NASIWAAN (79) ADHYAY – BALVAL-KA OODDHAAR AUR BALRAMJEE-KI TIRTH-YATRA - BY Dr. HARENDRA PRASAD SINHA

1112DAY)
OM NAMO BHAGVATE VAASUDEVAYA
SHREE MAD-BHAGVAT MAHAPURAN
DASHAM ASKANDH
(OOTRARDH)
OON-NASIWAAN (79) ADHYAY
BALVAL-KA OODDHAAR AUR BALRAMJEE-KI TIRTH-YATRA

Shree SHUKDEVJEE kahte hain - PARIKSHIT! Parv-ka din aaneper bada bhayanker andhad chalne laga. Dhool-ki varsha hone lagi aur chaaron oar-se Peeb-ki varsha hone lagi. Iske baad Yagya-shaala-mein BALVAL Daanav-ne mul-mootra aadi apavitra vastuon-ki varsha ki. Tadanter haath-mein Trishul liye wah swaim dikhayee pada. Ooska deel-daul bahoot bada tha, aisa jaan padta maano dher-ka-dher kaalikh ikattha ker diya gaya ho. Ooski choti aur daadhi-moonchh tape huye Taambe-ke samaan laal-laal theen. Badi-badi daadhon aur bhauhon-ke kaaran ooska moonh bada bhayavna lagta tha. Oose dekhker BALRAMJEE-NE shatru-sena-ki koondi karnewale MOOSAL aur Daityon-ko chir-faad daalnewale HUL-KA asmaran kiya. Unke asmaran karte hi Ve dono Shshtra turant aa pahunche.
BALRAMJEE-NE aakash-mein vicharnewale BALVAL Daitya-ko Apne Hul-ke agle bhaag-se khinchker oos Brahman-drohi-ke Seerper bade krodh-se ek MOOSAL kasker jamaya, jisse ooska lalat fut gaya aur wah khoon oogalta tatha aart-swar-se chillata huaa dharti-per gir pada. thik waise hi jaise Vajra-ki choat khaker Geru aadi-se laal huaa koyee pahad gir pada ho. NAIMISHARANYAWASI Maha-bhagyawaan Muniyon-ne BALRAMJEE-KI astuti ki, Unhein kabhi na wyarth honewale aashirbaad diye aur jaise Devta-log Devraj Indra-ka abhishek karte hain, waise hi Unka abhishek kiya. Iske baad Rishiyon-ne BALRAMJEE-KO Diwya Vastra aur Diwya Aabhushan diye tatha ek aisi Vaijyanti Mala bhi di, jo saundarya-ka aashraya evam kabhi na moorjhanewale Kamal-ke Pushpon-se yukt hai.
Tadanter NAIMISHARANYAWASI Rishiyon-se vida hoker Unke aagyanusar BALRAMJEE Braahmanon-ke saath Kaushiki Nadi-ke tatper aaye. Wahan asnan karke Ve oos sarovar-per gaye, jahan-se Saryu Nadi nikli hai. Wahan-se Saryu-ke kinare-kinare chalne lage, phir oose chhodker Prayag aaye; aur wahan asnan tatha Devta, Rishi evam Pitron-ka tarpan karke wahan-se Poolhashram gaye. Wahan-se Gandaki, Gomati tatha Vipasha Nadiyon-mein asnan karke Ve Sonnad-ke tatper gaye aur wahan asnan kiya. Iske baad Gaya-mein jaaker Pitron-ka Vasudevjee-ke aagyanusar Pujan-Yajan kiya. Phir Ganga-sagar-sangam-per gaye; wahan bhi asnan aadi tirth-krityon-se nivrit hoker Mahendra parvat-per gaye. Wahan PERSHURAMJEE-KA darshan aur abhiwadan kiya. OM PARMATMANE NAMAH.
Prarthana:- Kripakar lekh ko apne sabhilogon ko batein (share karein) taki ve bhi iska laabh utha sakein aur kalyan ho. FB or whats app per link ko copy kar.
Continued-------