İMAM ƏLİ ƏBU BƏKRƏ BEYƏT EDİB? - yalan iddianın ifşası

Описание: Əhli-sünnədən olan qardaşımız öz çıxışında 3 dəfə israrla bildirir ki, guya Əli bin Əbu Talib Əbu Bəkrə ilk biyət edənlərdən olub. Üstəlik təkidlə iddia edir ki, guya bu, həm əhli-sünnə, həm də şiə mənbələrində qeyd edilib.
Bu iddia ilə bağlı iki məqamı qeyd edək:
Birinci məqam. Çox açıq şəkildə bildirək ki, qardaşımızın bu iddiası tamamilə yalandır.
Həm əhli-sünnənin, həm də şiələrin səhih qəbul etdiyi mənbələrdə çox şəffaf şəkildə bildirilir ki, Əli bin Əbu Talib ilkin dövrlərdə Əbu Bəkrə beyət etməyib və o, yalnız Allah rəsulunun vəfatından 6 ay sonra beyət edib. Əlini Əbu Bəkrə ilk beyən edənlərdən biri kimi təqdim etmək danılmaz tarixi faktların - elə ilk növbədə əhli-sünnənin səhih hədislərinin üzərindən xətt çəkmək deməkdir.
İkinci məqam. Bu mövzu barədə danışdıqda əhli-sünnə mənbələri əsasında Əbu Bəkrin hansı şəraitdə və necə xəlifə elan edildiyinə, sonradan da ona necə beyət edildiyinə kiçik tarixi ekskurs etmək məqsədəuyğun olardı.
Videoda bu məsələ geniş şəkildə möhtərəm izləyicilərə təqdim edilir.
Qeyd edək ki, Səhih əl-Buxari və Səhih Muslim kimi mənbələr başda olmaqla, mötəbər əhli-sünnə mənbələri qardaşımızın iddiasını rədd edir və bəyan edir ki, bir çox digər səhabələr kimi, Əli də ilk dövrlərdə Əbu Bəkrə beyət etməyib. Yalnız 6 ay sonra - Əbu Bəkrin ərəb qəbilələrinə qarşı başladığı riddə savaşları nəticəsində İslam toplumunda yaranmış gərginlik fonunda ümməti parçalanmadan qorumaq və birliyi təmin etmək məqsədilə Əli və onun ardınca da daha əvvəl beyət etməmiş digər səhabələr Əbu Bəkrə beyət edib.
Tarixi faktlar bunu deyir və israrla tarixi saxtalaşdırmaq nə dünyada, nə də axirətdə heç kəsə faydalı olmaz...