Shije Shtëpie - Supë me kos dhe nenexhik nga zonja Vjollca - Tv Klan

Описание: Supë me kos dhe nenexhik
1 litër lëng mishi pule ose ujë
3 lgj oriz
400 gr kos
2 lgj miell
2 të verdha veze
Kripë dhe piper i zi
1,5 lgj gjalpë
1 lç nenexhik (dhjozmë)

Vendosim në zjarr një tenxhere me 1 litër lëng mishi pule ose ujë për të valuar. Shtojmë në tenxhere 3 lgj oriz dhe e lëmë për të zierë 15-20 minuta deri sa lëngu fillon të trashet. Ndërkohë në një tas vendosim kosin, e përziejmë me tel dore me qëllim që të marrë trajtë kremoze. Shtojmë 2 lugë gjelle mesatare me miell. I përziejmë, e në fund shtojmë 2 të verdha veze. I përziejmë dhe këto me tel dore deri sa përbërësit në tas të marrin trajtë homogjene. Shtojmë në tenxheren ku po zien orizi 1 gotë ujë të ftohtë dhe nga tenxherja marrim 2 garuzhde me lëng dhe e shtojmë në tasin me kos duke e përzierë ngadalë. Më pas këtë salcë e shtojmë në tenxhere. Ulim temperaturën në mesatare dhe e përziejmë ngadalë deri sa supa të marrë valë ngadalë. Fikim zjarrin. Shkrijmë gjalpin dhe e aromatizojmë atë me nenexhikun. Shtojmë gjalpin e aromatizuar tek supa dhe e shërbejmë supën të ngrohtë.
#ShijeShtëpie Nga e hëna në të shtunë, live, nga ora 09:05-11:00, me Katerina Trungun & Znj.Vjollca. Një emision edukues, informues, argëtues. Çdo ditë me recetat e thjeshta dhe mbi të gjitha ekonomike, të Zj.Vjollca u tregon dhe mëson amvisave të çdo moshe si të gatuajnë receta të shijshme për të mbushur tavolinat e familjeve të tyre. Çdo ditë me Katerina Trungun informojmë publikun ndërmjet rubrikave dhe të ftuarve, me këshilla të thjeshta praktike, të kuptueshme nga të gjithë, për çdo aspekt të të përditshmes.

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/

#Receta #ZonjaVjollca #KaterinaTrungu