Karthar Nallavar | கர்த்தருக்கு பிரியமாய் நாம் வாழ்ந்தால் கர்த்தர் நம் தலைமுறைகளையும் ஆசீர்வதிப்பார்

Описание: யூதாவின் ராஜாவாகிய யோயாக்கீனைச் சிறைச்சாலையிலிருந்து வெளிப்படப்பண்ணி, அவன் தலையை உயர்த்தினார்.
எரேமியா 52:31

கர்த்தரின் பார்வைக்குச் செம்மையானதைச் செய்து, தன் தகப்பனாகிய தாவீதின் வழிகளில், வலது இடதுபுறமாக விலகாமல் நடந்த யூதாவின் ராஜா யோசியாவின் மகன் யோயாக்கீம். இந்த யோயாக்கீமும் அவன் சகோதரன் சிதேக்கியாவும் தன் தேவனாகிய கர்த்தருடைய பார்வைக்கு பொல்லாப்பானதை செய்ததால் பாபிலோன் ராஜாவாகிய நேபுகாத்நேச்சாரால் இரண்டு வெண்கல சங்கிலிகளால் கட்டப்பட்டு பாபிலோனுக்கு கொண்டு போகப்பட்டார்கள். மரணமடையும் வரை காவலில் இருந்தான்.
யோயாக்கீமின் மகன் யோயாக்கின்
37 ஆண்டு சிறையில் இருந்தான்.
நேபுகாத்நேச்சாருக்கு பின்பாக
வந்த ஏவில்மெரொதாக் என்னும் பாபிலோன் ராஜாதான், யோயாக்கீனைச் சிறைச்சாலையிலிருந்து வெளியே கொண்டு வந்து, அவன் தலையை உயர்த்தினார். யோசியா கர்த்தரின் பார்வைக்குச் செம்மையானதைச் செய்து, மோசேயை கொண்டு கட்டளை இடப்பட்ட கர்த்தருடைய நியாயப்பிரமாண புஸ்தகத்தில் எழுதியிருக்கிற உடன்படிக்கையின் வார்த்தைகளின்படி,
தான்செய்வதினாலே, கர்த்தரைப் பின்பற்றி நடப்பேன் என்றும், தன் முழு இருதயத்தோடும், தன் முழு ஆத்துமாவோடும் அவருடைய கற்பனைகளையும், சாட்சிகளையும், கட்டளைகளையும் கைக்கொள்ளுவேன் என்றும் கர்த்தருடைய சந்நிதியில் உடன்படிக்கைபண்ணி, தான்
உயிரோடு இருந்த நாளெல்லாம் தங்கள் பிதாக்களின் தேவனாகிய கர்த்தரை விட்டு பின்வாங்காமல் வாழ்ந்ததன் நிமித்தமாக அவன் பேரன் யோயாக்கீன் விடுதலை செய்யப்பட்டு அவன் தலை உயர்த்தப்பட்டது. இந்த யோசியாவின் மகன் யோயாக்கீம், யோயாக்கீமின் மகன் தான் யோயாக்கீன். யோசியாவின் மகன் யோயாகீம் தன் தகப்பனை போல கர்த்தருக்கு பிரியமானதை செய்யாமல் பொல்லாப்பானதை செய்ததால் சிறையில் இருந்த யோசியாவின் பேரன் யோயாக்கின் மேல் கர்த்தருடைய தயவு இரக்கம் கிருபை கிடைத்தது. அதாவது தாத்தா கர்த்தருக்கு பயந்து வாழ்ந்ததால் பேரன் விடுதலை செய்யப்பட்டு ஏழு விதமான நன்மைகளால் ஆசீர்வதிக்கப்படுகிறான்.
சிறையில் இருந்து விடுதலை கிடைக்கிறது, தலை உயர்த்தப்படுகிறது, எல்லாருக்கும் மேலாக்கப்படுகிறான், வஸ்திரம் மாறுகிறது, நித்தமும் போஜனம் கிடைக்கிறது, கட்டளை பிறப்பிக்கப்படுகிறது, அனு தினமும் நன்மை கிடைக்கிறது. மேலும் இது தேவன் யூதா மக்கள் மீது காட்டிய இரக்கத்தின் அடையாளமாகும். தாவீதின் வம்சம் அற்றுப்போகாமல் காக்கவும், சிறையிருப்பில் இருந்த இஸ்ரவேலர்களுக்கு ஒரு நம்பிக்கையை அளிக்கவும் தேவன் இந்த மாற்றத்தைக் கொண்டு வந்தார். மேலும் கர்த்தர் தமக்கு பிரியமானவனின் வம்சத்தை தலைமுறையை தாம் கொடுத்த வாக்குத்தத்ததின்படி கை விடமாட்டார் என்பதை உறுதிபடுவது ஆகும். கர்த்தருக்கு பிரியமானவர்களே, இதிலிருந்து கர்த்தர் நமக்கு கற்றுக் கொடுப்பது, தலைமுறைகளை நினைவு கூருகிறவர் கர்த்தர். அவருக்கு பிரியமானதை செய்து அவருக்கு பிரியமாய் வாழ்வதை தலைமுறை தோறும் நினைவு கூருகிறவர் கர்த்தர். நம்முடைய விண்ணப்பத்தையும் ஜெபத்தையும் நினைவு கூர்ந்து தலைமுறைகளை ஆசீர்வதிக்கிறவர் கர்த்தர். நாம் கர்த்தருக்கு பிரியமாய் வாழ்ந்து அவருடைய கற்பனைகளுக்கும் கட்டளைகளுக்கும் கீழ்ப்படிந்து நடக்கும் போது நம்முடைய பிள்ளைகள் மற்றும் நம் பிள்ளைகளின் பிள்ளைகள் நன்மைகளைப் பெற்று ஆசீர்வாதமாய் வாழ்வார்கள். எனவே நாம் அனுதினமும் தேவனுக்கு முன்பாக அவருக்குப் பிரியமாய் வாழ்ந்து பிள்ளைகளுக்கும் பேரப்பிள்ளைகளுக்கும் ஆசீர்வாதத்தை பெற்று தருவோம். ஆமென். சர்வவல்லமை உள்ள சேனைகளின் தேவனாகிய கர்த்தாவே, நாங்களும் எங்களுடைய பிள்ளைகளின் பிள்ளைகளும், உம்முடைய ஆசீர்வாதத்தையும் உமது கரத்திலிருந்து நன்மையான காரியங்களையும் பெறவேண்டும் என்று விரும்புகிற நாங்கள், அனு தினமும், உம்முடைய கட்டளைகளுக்கு கீழ்ப்படிந்து வாழத்தக்க கிருபையை கர்த்தர் எங்களுக்கு தர வேண்டும் என ஆண்டவராகிய இயேசு கிறிஸ்துவின் நாமத்தில் ஜெபிக்கிறோம் நல்ல பிதாவே ஆமென் ஆமென். கர்த்தர் நல்லவர் அவர் கிருபை இன்று முழுவதும் நம்மோடு கூட இருப்பதாக ஆமென்
#Kartharnallavar #God is Good #KARTHARNALLAVAR #கர்த்தர்நல்லவர் #Morningdevotion #TamilMessage #Shortmessage #GoodMorning #PraisetheLord #Gospel #Gospelmessage #Hope #Word #Godsword #TodayMessage #TodayWord #Bibleword #Hopeword #Blessingword #Blessingway #Goodway #Successway #Successword #Godisgood. #Kartharnallavar #TamilMessage #Morningdevotion #Praise# the Lord #Gospel #Gospelmessage #Hope #Word #Blessingword #Blessingway #Goodway #Successway #Successword #Godisgood
#Prophetic word, #Prophetic voice
#இறைவார்த்தை #இன்றைய வார்த்தை #இன்றையமன்னா #கர்த்தர்நல்லவர் #Goodword #kartharnallavar #gospel #hope #tamilmessage #word #godisgood #morningdevotion #prophetic #successway