Karthar Nallavar | இயேசுவிடம் தேவையை கேட்போம்

Описание: இயேசு அவனை நோக்கி: எழுந்திரு, உன் படுக்கையை எடுத்துக்கொண்டு நட என்றார்.
யோவான் 5:8

எருசலேமில், பெதஸ்தா குளம் அருகே முப்பத்தெட்டு வருஷம் வியாதி கொண்டிருந்த ஒரு மனுஷன் அங்கே இருந்தான். படுத்திருந்த அவனை இயேசு கண்டு, அவன் வெகுகாலமாய் வியாதிஸ்தனென்று அறிந்து, அவனை நோக்கி: சொஸ்தமாகவேண்டுமென்று விரும்புகிறாயா என்று கேட்டார்.
நம் ஆண்டவராகிய இயேசு கிறிஸ்து நம்மை காண்கிற தேவன். நம்மையும் நம்முடைய சூழ்நிலைகளையும் அறிந்து கொள்கிற தேவன். நம்முடைய விருப்பத்தையும் மன ஏக்கத்தையும் பார்க்கிற தேவன். அங்கு வியாதியா இருந்த மனுஷனை கண்டார். அவன் வெகு நாட்களாய் வேதனைப்படுகிறான் என்பதை அறிந்து கொண்டார்.
அவனிடம் அவனுடைய விருப்பத்தை கேட்கிறார். அதாவது நீ சுகம் அடைய விரும்புகிறாயா என்று கேட்கிறார்.
ஆண்டவராகிய இயேசு கிறிஸ்து அவனிடம் கேட்டபோது அவனோ,
இவர் நம் கூடவே இருந்து நம்மை தூக்கி சுமந்து குளத்தில் இறக்கி நமக்கு உதவி செய்வார் என நினைத்தான். எனவே தான் இயேசுவை நோக்கி ஆண்டவரே, தண்ணீர் கலக்கப்படும்போது என்னைக் குளத்தில் கொண்டுபோய் விடுகிறதற்கு ஒருவருமில்லை, நான் போகிறதற்குள்ளே வேறொருவன் எனக்கு முந்தி இறங்கிவிடுகிறான் என்றான். இயேசு அவனை நோக்கி: எழுந்திரு, உன் படுக்கையை எடுத்துக்கொண்டு நட என்றார். உடனே அந்த மனுஷன் சொஸ்தமாகி, தன் படுக்கையை எடுத்துக்கொண்டு, நடந்துபோனான்.
கர்த்தருக்கு பிரியமானவர்களே அவன் எதிர்பார்த்த காரியமோ, அவனுடைய திட்டமோ, அவனுடைய விருப்பமோ அங்கு நிறைவேறவில்லை. ஆனால் முடிவு சம்பூரணமாயிற்று. அதிசயம் நடந்தது, அற்புதம் நடந்தது, ஆனந்தம் அடைந்தான், எழுந்து நடந்தான். கர்த்தருடைய வார்த்தைக்கு திட்டம் தேவையில்லை,
சட்டம் தேவையில்லை
வழி தேவையில்லை காலம் தேவையில்லை நேரம் தேவையில்லை.
ஆண்டவராகிய இயேசு கிறிஸ்துவின் ஒரு வார்த்தை நம்முடைய வாழ்க்கையை குறைவில்லாமல் சம்பூர்ணமாய் முடிவு பண்ணும். நாம் சுகமடைய நன்மை அடைய ஆசீர்வாதம் பெற வெற்றி பெற வழியையும், திட்டத்தையும் இயேசுக்கு சொல்ல வேண்டியதில்லை. சகலமும் அவரால் உண்டாக்கப்பட்டது எனவே நம் ஆண்டவராகிய இயேசு கிறிஸ்து, நம்முடைய விருப்பப்படி நம்முடைய எண்ணப்படி நம்முடைய திட்டத்தின் படி நமக்கு நன்மை செய்யாமல், அவருடைய சித்தத்தின் படி, அவர் நியமித்த வழியில், நமக்கு ஒரு வார்த்தையில் ஒரு மிகப்பெரிய அற்புதத்தையும் அதிசயத்தையும் செய்ய வல்லவராய் இருக்கிறார். நம்முடைய வாழ்க்கையிலும் நமக்கு உதவிசெய்ய ஒருவருமே இல்லையே என்றும், இப்படி செய்தால் வெற்றியாய் முடிந்திருக்குமோ அங்கே போனால் காரியம் முடிந்திருக்குமே என அங்கே இங்கே என்று ஏங்கி தவிக்காமலும், பிறர் உதவிக்காக காத்திருக்காமலும்,
நாம் எதிர்பார்த்து இருக்கிற காரியங்களையும், திட்டங்களையும், முடிவுகளையும், நமது வழியில் சிந்திக்காமலும் இருந்து,
நீர் என்னை காண்கிற தேவன் என்று சொல்லி, நம்மை அறிந்திருக்கிற தேவனிடத்தில் இரக்கத்தைப் பெற்றுக் கொண்டோமானால், அவருடைய ஒரு வார்த்தை நமக்கு அதிசயத்தையும் அற்புதத்தையும் செய்து நம்முடைய தேவையையும் விருப்பத்தையும் சம்பூர்ணமாய் முடிய செய்து நம்மை ஆசீர்வாதமாய் வாழ வைக்கும் ஆமென்.
சர்வ வல்லமை உள்ள சேனைகளின் தேவனாகிய கர்த்தாவே, நீர் எங்களை காண்கிற தேவன், எங்களை எங்கள் தாயின் கருவிலே அறிந்திருக்கிற தேவன். எங்கள் தேவைகளை உம்முடைய சமுகத்தில் விண்ணப்பிக்கும் போது ஆவியானவரின் துணையுடன் ஜெபித்து, எங்கள் வழிகளும் காரியங்களும் ஜெயமும் சுகமும் ஆசீர்வாதமும் உம்முடைய சமுகத்தில் இருக்கிறது என்ற உணர்விலும், விசுவாசத்திலும் உறுதியாய், உம்முடைய வார்த்தையின்படி சித்தத்தின்படி திட்டத்தின்படி நோக்கத்தின் படி எங்களுடைய வாழ்க்கையிலும் அதிசயங்களையும் அற்புதங்களையும் நாங்கள் காணும் படியாக கிருபை செய்ய வேண்டும் என இயேசு கிறிஸ்துவின் நாமத்தில் ஜெபிக்கிறோம் நல்ல பிதாவே ஆமென் ஆமென். கர்த்தர் நல்லவர் அவர் கிருபை இன்று முழுவதும் நம்மோடு கூட இருப்பதாக ஆமென் #Kartharnallavar
#God is Good #KARTHARNALLAVAR #கர்த்தர்நல்லவர் #Morningdevotion #TamilMessage #Shortmessage #GoodMorning #PraisetheLord #Gospel #Gospelmessage #Hope #Word #Godsword #TodayMessage #TodayWord #Bibleword #Hopeword #Blessingword #Blessingway #Goodway #Successway #Successword #Godisgood. #Kartharnallavar #TamilMessage #Morningdevotion #Praise# the Lord #Gospel #Gospelmessage #Hope #Word #Blessingword #Blessingway #Goodway #Successway #Successword #Godisgood
#Prophetic word, #Prophetic voice
#இறைவார்த்தை #இன்றைய வார்த்தை #இன்றையமன்னா #கர்த்தர்நல்லவர் #Goodword #kartharnallavar #gospel #hope #tamilmessage #word #godisgood #morningdevotion #prophetic #successway