خاف أموت || الوصية الاخيرة | الرادود مرتضى الوالي || حسينية الحسن المجتبى الهاشمية

Описание: اداء و الحان الرادود مرتضى الوالي
كلمات الشاعر ابو فايز الرافضي
الذاكر سيد ياسر الحسيني
المونتاج سجاد محسن
المكساج كرار التميمي
الهندسة الصوتية السد باقر الشرع
حسينية الحسن المجتبى - الهاشمية

خاف اموت . ارد اوصيكم عله الخدمه الجبيره
خاف اموت . لا تعوفون البقه ابلايه عشيره
خاف اموت . ابجو عالجمعوهن اوصاله بحصيره

كلشي عوف وخلي گلبك بالمصاب
ولا تأمن ابدنيه اخرها التراب
الدنيه هاي الغدرت بضعن العفاف
وباگت اليايمه من گلب الرباب

خلص اسنينك عزاء .. صفي گلبك بالبكاء
ابروحك اجعل كربلاء
حبيبي ياحسين
،،،،،،،،،،،،،،،،،،،،،،،،،،،،،،
خاف اموت . ارد اوصيكم عله دموع المئاتم
خاف اموت . امشو ابنعشي مثل مشيي الفواطم
خاف اموت . عالگبر مو اسمي اريد الكلمه خادم

خاف اموت وانه ماشابع ونين
نعشي خلو شتله يم باب الحسين
كون المغيسل عزاء يهل الدموع
وكون اطب الگبري مجتوفه الأدين

كون اموتن بالضريح .. وانه يامولاي اصيح
مثل طيحت دمعه اطيح
حبيبي ياحسين
،،،،،،،،،،،،،،،،،،،،،،،،،،،،،،
خل اموت . ولا تموت بگلبي جلمت ياغريبه
خل اموت . والمهم لو اغمض ابعيني المصيبه
خل اموت . بالگي اعيشن غربة الشيبه الخضيبه

غربت الموت اهون امن الغربه هاي
غربت الراوي دمه ومالاگي ماي
خدمت الضامي رزق الله الحلال
كون اموت ابحبه والكسره بگفاي

عمري العيون الحبيب .. جرحي ماريده يطيب
للخلص عمره غريب
حبيبي ياحسين
،،،،،،،،،،،،،،،،،،،،،،،،،،،،،،
ياحسين . لازم تعيش بگلب عاش الخيام
ياحسين . جلمه معناها العشگ يهل الغرام
ياحسين . يعني شوغت طفله ماتگدر تنام

صاحب البي دمعه هاي الدنيه بير
صحبت المايبجي احس مابيها خير
لا تماشي المايسولف بالحُسين
المايغار اعله الضعن ميت ضمير

اترك الراحن وراك .. موعد الخدمه اجاك
والزجيه اتنادي هاك
حبيبي ياحسين
...