تنشدني روحي || الرادود مرتضى الوالي | موكب سيوف الامام المهدي

Описание: اداء الرادود مرتضى الوالي
الذاكر مومل كاظم
الشاعر احمد عباس العبودي
مكساج سجاد نايف
اعلام موكب سيوف الامام المهدي / السماوة


كلمات القصيدة

تنشدني روحي- المن دمعتك -ودمعاتي هيه ترد الجواب
ضلت غريبه- زينب وحيده-وعافت اخوها ايوسده التراب

عافت وليها وضلت غريبه
امنيتي احس بهاي المصيبه
اليهضمني بالطف جمره ولهيبه
ومن المخيم صوت الزغار ….

عمه يعمه الخياله اجتنه
ونار وحوافر ذيج اعتنــتنه
ركضتنه وين واحنه لوحدنه
ومنانه خيل ومنانه نار …..

فرن وخلي ركضچن وين ماصحلچ درب
سكنه عمه اخذي رقيه لاتضيع بنص غرب
عمه زينب حيل ماكو وجمر متروس الدرب
______
هواي المصايب-واهواي اهلها-وكل وحده بيهن تجرح دليل
ياگلبي بالك -تبرد حسرتك-وضعن الفواطم ماله كفيل

ذبلهن الحر والفت مهجهن
من راح اخوهن ياهو اليلمهن
عطشن كفاله ورادن ضعنهن
يحدي اخوهن موش الغريب….

اليضمه ويصيح يموت بصياحه
والضل وحــــــيد اتكتله جراحه
لا ليله ليل ولا طــــر صـــــباحه
فاگدله والي وجسمه سليب

ضج يگلبي حسين ميت والحوافر بي رفس
اتلث ليالي جسمه عاري وتحرگ بوجه الشمس
واخته من حر الضهره گوه تشتم النفس
——-
ليله طفله- من الهاشميه-تضيع وتدور واليها وين
حدهن مخيم-بره يضيعن-مامره طلعن دون الحسين

حتى الشمس ماشافت لظلهن
ضل. وعليهن خافت زلمهن
تاليها صحره تحرگ جدمهن
فرن ولكن لاگتها خيل

زينب تحيـــر شتلزم بديها
وكلهن يصيحن صيحه عليها
حرمه چبيره وطايح وليها
والطف اخذ من عدها حيل

هذا ياگلبي اليگلك ليش تبچي وتنكسر
گله ماشافت عيونك مره طبت للقصر
وزلم متروس بوكتها وتدخل بنصه وتمر
——-
بين الدلال -وبين الهزيله-زينب تردها شگد ذكريات
الچانت عليها-راية هواشم-تاليها طاحت راعيها مات

كلش يعذب مشي الهزيله
مجّرح گلبها تالي العقيلـه
تمشي بأمرهم ماعدها حيله
بكيف الحداها تالي تصير

من الفرات الحادي اخذهن
يكسر گلبهن راد ويذلهــــن
من الناگه ودعن صاير يگلهن
مو بيده شوره اليمشي اسير

يجي الليل وكون ندري الليل للحرمه ستر
يگضي يا ليل ووراهن باجر اشموس وضهر
بيها مابيها العقيله اتضم دمعها والكســـر .