عشيرة خدمتك | الرادود مرتضى الوالي | هيئة الغريب
Автор: الرادود مرتضى الوالي Murtada Alwali
Загружено: 2024-06-27
Просмотров: 44909
Описание:
عشيرة خدمتك
الرادود :: مرتضى الوالي
كلمات :: الشاعر ابو فايز الرافضي
مونتاج :: علاء عامر
مكساج و توزيع كرار التميمي
عزاء :: هيئة الغريب - الناصرية
كلمات القصيدة
ابا عبد الله • ابا عبد الله
،،،،،،،،،،،،،،،،،،،،،،،،،،،
علمني احبك ماردت اتوجه الغيرك واحب
اشغلني بجروحك لان تفكير البغيرك ذنب
انته الصدك ياسيدي والدنيه بعيوني جذب
ساتر عيوبي بخدمتك ها يالحبيب المنسلب
ياموطن الحب الهني بحدوده اعيشن ليتني
واقره النشيد الموطني يا اباعبدالله
،،،،،،،،،،،،،،،،،،،،،،،،،،،،،،،،،،
اهل العشاير تفتخر ابكثرت زلمها وبالعدد
وانه بعشيرت خدمتك خليني لتذبني بسند
گلبي اجالك منكسر ويم ساحل خيامك ركد
وذنوبي التغطي الوجه مولاي ماتنعاد ابد
مربيني انته بمجلسك . ورتاح من اتنفسك
فدوه حياتي المحبسك يا ابا عبدالله
،،،،،،،،،،،،،،،،،،،،،،،،،،،،،،،،،،
ضايع وجيتك سيدي دخياك يبوگلب السمح
اتشغلني بخيامك عبد وتصرفلي باليله جرح
ياسيد الحب والعطف يالراسك معلي الرمح
لوضاگ صدري بدنيتي ابجي عليك وينشرح
ماريد اضيع بلادمع . اشعلني بخيامك شمع
بس الي يبجيلك سبع يا ابا عبدالله
،،،،،،،،،،،،،،،،،،،،،،،،،،،
خليني اعيش بعالمك ماريد احب غيرك بشر
ياضامي ومروي الترب موگدرك يزعلك نهر
كون اليخدمك ياجرح بالمدمع ايشد الضهر
ارزقني دمعه بمجلسك وشبعني بخيامك قهر
يا مؤنسي في وحشتي . وياك اشوفن راحتي
مجروحه بسمك ضحتي يا ابا عبدالله
،،،،،،،،،،،،،،،،،،،،،،،،،،،،،،
جامع شملنه بخيمتك وبكربله مضيع ضعن
عند العرب صاير مثل الماعنده بيت بلاوطن
موطنه صاير مجلسك شمايمشي ويدور الزمن
ونتفاخر ابهاذ الأسم كلنه عبيد ام الحسن
علمني احبنك صدگ . وبخيامك التدوي احترگ
ياعشگ مامثله عشگ يا ابا عبدالله
Повторяем попытку...
Доступные форматы для скачивания:
Скачать видео
-
Информация по загрузке:
