طريقة عمل حلوى السميد بالشربات بحشو الجوز 😋 من أكثر الحلويات المحبوبة عنا على القناة 😍

Описание: اليوم عنا طريقة عمل حلوى السميد بالجوز من أكثر الحلويات المحبوبة عنا بالقناة حلوى السميد بالشربات بس هي المرة حبيت اعمل طريقة جديدة لحلوى السميد بالشربات هنعملها بحشوة الجوز و اذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://goo.gl/kuufbf

لتجهيز الشربات:
3 كوب من السكر
3 كوب من الماء
2 3 قطرات من عصير الليمون

لتجهيز الحشوة:
1 كوب من الجوز
1 ملعقة كبيرة من السكر
1 ملعقة كبيرة من القرفة

المكونات:
200 جرام من الزبدة
1 حبة من البيض
3 ملاعق كبيرة من السميد
1 باكيت من الفانيليا
1 باكيت من البيكينج باودر
1\2 كوب شاي من الزيت
1\2 كوب شاي من السكر
4 كوب من الطحين
سميد

طريقة التحضير:
1- بالبداية لتجهيز الشربات هنضيف في طنجرة مناسبة السكر و الماء و نحركهن مع بعض و نحطهن على النار و نتركهم لحتى يغلوا
2- و تقريبا بعد 15 دقيقة هنضيف عليهن عصير الليمون و نحركهن و نشيلهم من على النار و نتركهم لحتى يبردوا
3- و هلق لتجهيز حلوى السميد هنضيف في طبق مناسب الزبدة, البيض, السميد, الفانيليا, البيكينج باودر, الزيت, السكر و الطحين بالتدريج و نحرك المكونات مع بعض لحتى نحصل على قوام العجين المناسب
4- ولما تجهز معنا العجينة هنأخذ قطعة من ورق الستريتش و نحطها على الطاولة و نأخذ كمية قليلة من العجينة و نحطها على قطعة الستريتش ونرجع نحط عليها قطعة ثانية من ورق الستريتش و ناخد الشوبك و نفتح العجينة بالطول و لاني استخدمنا ورق الستريتش متل مالكن شايفين فتح العجينة صار اسهل
5- لما نخلص نشيل قطعة الستريتش عن العجينة و نقطع الاطراف الزائدة من العجينة لحتى تصير بشكل منتظم
6- و لتجهيز الحشوة هنضيف الجوز, السكر و القرفة و نحركهم مع بعض منيح بعدين هناخد بما يقارب 2 3 ملاعق من الحشوة و نحطها على العجينة
7- نسكر العجينة من الأطراف باستخدام قطعة ورق الستريتش لحتى نعملها على شكل رول
8- لما تسكر معنا العجينة منيح هناخد شوي من السميد و نرش على العجينة من كل الأطراف و نرجع باستخدام قطعة ورق الستريتش نمشي العجينة على كل الأماكن اللي فيها سميد و بهي الطريقة بكون وفرنا أي حبة سميد انها تروح ع الفاضي
9- هنقطع العجينة لقطع صغيرة متساوية و ناخد صينية الفرن ونحط عليها قطعة من ورق الزبدة و نحط فيها القطع اللي قطعناهم
10- و نكمل بنفس الطريقة لحتى تخلص معنا كل العجينة و الحشوة انا بالمجموع عملت 30 قطعة تقريبا من حلوى السميد
11- و هلق ندخل حلوى السميد على فرن حامي على درجة حرارة 175 لمدة 30 دقيقة و لما يجهزوا معنا و نطالعهم من الفرن هناخد قطع حلوى السميد و نحطهم في طبق مناسب
12 - و نضيف الشربات اللي جهزناه و لازم يكون بارد انا بهل نوع من الحلويات بحب يكون الشربات بارد و الحلوى سخنة و بعد ما نضيف الشربات هنتركهم كم ساعة لحتى يشربوا الشربات منيح بعدين فينا نقدمهم بالشكل اللي منحبه
صحة و عافية

يمكنكم الاشتراك فى صفحتنا على الفيسبوك.
  / elmatbakh.elturky  

يمكنكم متابعتنا على الانستغرام.
  / elmatbakh.elturky