Shije Shtëpie - Lazanja me pulë nga Znj. Vjollca - Tv Klan

Описание: #ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj.

Për zierjen e mishit:

600 gr gjoks pule

1 degë selino

2 karrota

2 qepë të njoma

Kripë

Për beshamelin:

70 gr gjalpë

70 gr miell

700 ml qumësht

Kripë + arrë moskat

Për mbushjen e lazanjës:

Peta lazanje

50 gr gjalpë

3 thejpinj hudhër

1 qepë e madhe

350 gr pure domate

Mishi i pulës i zier i copëtuar

200 gr mocarela

50 gr parmixhano

Në një tenxhere vendosim selinon të copëtuar, qepë, po ashtu të prera në copa të mëdha, karrotat në kubik të mëdhenj + kripë + kokrra piperi. Shtojmë ujë dhe në momentin që ujë valon shtojmë gjoksin e pulës të plotë të pa prerë dhe i lëmë në zjarr të gatuhen për 40 minuta. Më pas i largojmë që të ftohen.

Ndërkohë përgatisim beshamelin, shkrijmë gjalpin dhe kaudisim miellin për 3-4 minuta e shuajmë me qumësht duke e përzierë vazhdimisht derisa qumështi të trashet dhe fillon të madhë valë. Shtojmë kripen dhe arrën moskat, e mbulojme të mos zërë ajkë.

Në një tigan shkrimë gjalpin + vaj dhe kaudisim fillimisht hudhrat për 2 minuta. Shtojmë qepën në kubikë të vegjël dhe i gatuajmë derisa qepa të fillojë të zverdhet lehtë. Shtojmë kripë + piper të zi + rigon dhe vazhdojmë përzierjen. Shtojmë puren e domates, shtojmë gjysmë gote lëng pule. E përziejmë derisa të marrë valë shtojmë gjoksin e pulës të copëtuar me dorë. I përziejmë së bashku me puren e domates në tigan e më pas e largojmë.

Në një tepsi mesatare vendosim në bazë të saj 1 garuzhde beshamel. E shpërndajmë në të gjithë tavën e më pas vendosim petët e lazanjës e mbi petë mbushjen e pulës aq sa të mbulohet gjithë sipërfaqja e petës. E spërkasim pulën përsëri me pak beshamel dhe djathë mocarela të grirë në rende.

Mbulojmë përsëri me petë, pak beshamel, djathë, kështu shtresat deri në fund ku e mbyllim me petë beshamelin dhe djathë të grirë në fund dhe pak parmixhano. E spërkasim me rigon të thatë dhe e vendosim tavën në furrë në temperaturën 180 gradë për 30 min.

SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/ #Receta#ZonjaVjollca#KaterinaTrungu