Klan News - Akademia e Sigurisë, 10 Gusht nisin aplikimet

Описание: Drejtoria e Përgjithshme e Policisë së Shtetit më datë 10 Gusht hap aplikimet për pranim në Akademinë e Sigurisë. Të drejtën të garojnë e kanë studentët që kanë përfunduar ciklin e dytë të studimeve të arsimit të lartë në Shkencat Juridike, Shkencat Ekonomike dhe ato Kompjuterike, dhe që kanë mesataren e notave mbi 8. Kritere të tjera shtesë për aplikantët është që të jenë jo më shumë se 30 vjeç; të jetë me gjatësi jo më pak se 170 cm për meshkujt dhe 160 cm për femrat; të zotërojnë gjuhën e huaj angleze.

Afati i fundit i aplikimeve është më datë 30 Gusht 2023. Dorëzimi i dokumentacionit të nevojshëm bëhet pranë drejtorive vendore të Policisë, ku aplikanti ka vendbanimin e përhershëm. Pjesë e dosjes veç formularit të aplikimit, janë diplomat e ciklit Bachelor dhe Master, përfshi dhe listat e notave të të dyja cikleve të noterizuara, fotokopje të kartës së identitetit; Fotokopje të dëshmisë së aftësisë së drejtimit të automjetit, të tipit “B”.

Në total, në Akademinë e Sigurisë janë 100 kuota pranimi, të ndara sipas nevojave të strukturave të Policisë në nivel vendor, duke nisur nga policia e Qarkut Korçë që ka numrin më të lartë me 17 kuota dhe duke vijuar më pas me policinë e Gjirokastrës dhe Kukësit me 16 kuota, ndërsa policitë në qarqet e tjera kanë më pak kuota.

Pas përfundimit të konkurrimit, renditja e aplikantëve fitues sipas rezultateve të arritura, do të bëhet në nivel qarku ku ata kanë aplikuar, në bazë të kuotave të shpallura për konkurrim.

Ministria e Brendshme dhe Policia e Shtetit, me qëllim afrimin e kapaciteteve profesionale për strukturat e hetimit të Policisë Kriminale, parandalimit të pastrimit të parave dhe krimit kibernetik, ftojnë dhe nxitin të gjithë studentët që përmbushin kriteret, të marrin pjesë në garën për t’u bërë pjesë e Policisë së Shtetit.

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan