New Book Reveals China’s Propaganda Strategy on Tibet
Автор: Tibet Radio བོད་ཀྱི་རླུང་འཕྲིན།
Загружено: 2026-03-06
Просмотров: 1523
Описание:
New Book Reveals China’s Propaganda Strategy on Tibet
བོད་ནང་རྒྱ་ནག་གི་མི་སེར་སྤེལ་ཡུལ་དང་མངའ་ཁོངས་བཙན་བཟུང་གི་ངན་བྱུས་ཞེས་པའི་དཔེ་དེབ་དབུ་འབྱེད།
རྒྱ་ནག་ཏུ་རྒྱལ་ཡོངས་མི་དམངས་འཐུས་མི་ཚོགས་ཆེན་ཞེས་པ་འཚོགས་བཞིན་པའི་སྐབས་དང་བསྟུན། རྒྱ་གར་གྱི་གསར་འགོད་པ་ཟུར་པ་དང་བོད་དོན་ཉམས་ཞིབ་པ་ Vijay Kranti ལགས་ཀྱིས་ཕྱོགས་བསྒྲིགས་གནང་བའི། བོད་ནང་རྒྱ་ནག་གི་མི་སེར་སྤེལ་ཡུལ་དང་མངའ་ཁོངས་བཙན་བཟུང་གི་ངན་བྱུས་ ཞེས་པའི་དཔེ་དེབ་ཅིག་དེ་རིང་ཕྱི་ལོ་ ༢༠༢༦ ཟླ་ ༣ ཚེས་ ༦ ཉིན་རྡྷ་ས་གནས་འགོ་འཛིན་ལས་ཁུངས་ཀྱི་ཚོགས་ཁང་དུ་དབུ་འབྱེད་གནང་སོང་ཞིང་། དཔྱད་རྩོམ་ཕྱོགས་བསྒྲིགས་དཔེ་དེབ་དེ་ཡང་ཧི་མ་ལ་ཡ་ཨེ་ཤི་ཡ་ཞིབ་འཇུག་དང་འབྲེལ་མཐུད་ལྟེ་གནས་ཁང་གིས་དཔར་སྐྲུན་བྱས་པའི་དེབ་འདིའི་ནང་། བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་དང་སྲིད་སྐྱོང་སྤེན་པ་ཚེ་རིང་མཆོག་གིས་མཚོན་པའི་རྒྱལ་སྤྱིའི་བོད་རིག་པའི་མཁས་དབང་དང་ཉམས་ཞིབ་པ་ ༣༩ ཡིས་སྤེལ་བའི་དཔྱད་རྩོམ་ ༦༠ ཙམ་འཁོད་ཡོད་ཅིང་། དམིགས་ཡུལ་གཙོ་བོ་ནི་ཕྱི་ལོ་ ༡༩༥༡ ནས་བཟུང་རྒྱ་ནག་གིས་བོད་ཐོག་བཟོས་པའི་རྫུན་གཏམ་དང་དྲིལ་བསྒྲགས་ཁག་ལ་དངོས་ཡོད་ལོ་རྒྱུས་དང་དཔང་རྟགས་བཅས་ཀྱིས་ཁུངས་སྐྱེལ་དང་ལན་འདེབས་གསལ་འདོན་བྱས་པ་ཞིག་ཡིན་པ་རེད་འདུག་ལ། རྩོམ་སྒྲིག་པ་ Vijay Kranti ལགས་ཀྱིས་རྒྱ་ནག་གིས་བོད་ཀྱི་སྐད་ཡིག་དང་ངོ་བོ་རྩ་མེད་བཟོ་བའི་སྲིད་བྱུས་ལ་སྐྱོན་བརྗོད་དང་སྦྲགས། རྒྱལ་སྤྱིའི་དམངས་གཙོ་དང་ཡར་ཐོན་ཅན་གྱི་རྒྱལ་ཁབ་ཁག་གིས་རྒྱ་ནག་གི་ཁྲིམས་འགལ་བྱེད་བབ་འདི་དག་ལ་མཉམ་རུབ་ཀྱིས་བཀག་འགོག་བྱེད་དགོས་པའི་རེ་སྐུལ་གནང་གི་འདུག །
Повторяем попытку...
Доступные форматы для скачивания:
Скачать видео
-
Информация по загрузке:
