Global Tibet Support Groups from 32 Countries Meet in Dharamsala
Автор: Tibet Radio བོད་ཀྱི་རླུང་འཕྲིན།
Загружено: 2026-03-07
Просмотров: 2191
Описание:
རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་དམིགས་བསལ་ཚོགས་འདུ་དབུ་འཛུགས་དང་། རྡ་རམ་ས་ལའི་བསྒྲགས་གཏམ་ཡོངས་བསྒྲགས་གནང་བ།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་དགུ་བཅུར་ཕེབས་པའི་གོ་སྟོན་སྲུང་བརྩི་དང་འབྲེལ། རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་པས་གོ་སྒྲིག་གནང་བའི་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་དམིགས་བསལ་ཚོགས་འདུ་དེ་བཞིན། དེ་རིང་ཕྱི་ལོ་ ༢༠༢༦ ཟླ་ ༣ ཚེས་ ༧ ཉིན་གངས་སྐྱིད་སྲིད་སྐྱོང་ཚོགས་ཁང་དུ་དབུ་འཛུགས་གནང་སོང་ཞིང་། ད་རེས་ཀྱི་ཚོགས་འདུའི་ཐོག་རྒྱལ་ཁབ་ཁྱོན་ ༣༢ ནས་བོད་དོན་རྒྱབ་སྐྱོར་བ་ ༡༠༦ ལྷག་ལྷན་བཞུགས་གནང་ཡོད་པ་དང་། ཚོགས་འདུ་ལས་ཉིན་གསུམ་གྱི་རིང་། གཙོ་བོ་༸སྐུའི་ཡང་སྲིད་དང་འབྲེལ་བའི་གནད་དོན་དང་། བོད་ནང་གི་ཛ་དྲག་གནས་སྟངས་སྐོར། རྒྱ་ནག་གི་མི་བདེན་རྫུན་བསྒྲིགས་ཀྱི་དྲིལ་བསྒྲགས་ལ་གདོང་ལེན་བྱེད་ཕྱོགས་དང་འབྲེལ་བའི་ཐབས་བྱུས་སྒྲོམ་གཞི། དེ་བཞིན་བོད་ཀྱི་གནད་དོན་གླེང་སློང་ཤུགས་ཆེ་རུ་གཏོང་ཕྱོགས་སོགས་ཀྱི་སྐོར་ལ་བགྲོ་གླེང་གནང་རྒྱུ་རེད་འདུག
གཞན་ཡང་ཚོགས་འདུ་འདིའི་ཐོག་ནས་༼རྡ་རམ་ས་ལའི་བསྒྲགས་གཏམ་༽ཞེས་པ་ཞིག་ཡོངས་བསྒྲགས་གནང་བའི་ནང་། བོད་མིའི་རང་དབང་འཐབ་རྩོད་དང་མི་རིགས་ཀྱི་ངོ་བོ་སྲུང་སྐྱོབ་ལ་རྒྱབ་སྐྱོར་སྔར་ལྷག་གནང་རྒྱུ་དང་། ལོ་རྒྱུས་ལྡན་པའི་༸གོང་ས་ཏཱ་ལའི་བླ་མའི་བླ་བྲང་མུ་མཐུད་གནས་དགོས་པའི་གལ་གནད་ལ་ངོས་འཛིན། ལྷག་པར་༸སྐུའི་ཡང་སྲིད་ངོས་འཛིན་གྱི་བདག་དབང་དེ་དགའ་ལྡན་ཕོ་བྲང་ཡིད་ཆེས་དགེ་རྩ་ཚོགས་པ་ཁོ་ནར་ཡོད་པ། བོད་མིའི་སྒྲིག་འཛུགས་འདི་བོད་མིའི་ཁྲིམས་མཐུན་གྱི་སྐུ་ཚབ་ངོ་མ་ཡིན་པར་ངོས་འཛིན། དེ་བཞིན་ཆ་རྐྱེན་གང་ཡང་མེད་པའི་ཐོག་ནས་བོད་རྒྱ་འབྲེལ་མོལ་བསྐྱར་གསོ་དགོས་པའི་འབོད་སྐུལ་སོགས་འཁོད་འདུག །
Повторяем попытку...
Доступные форматы для скачивания:
Скачать видео
-
Информация по загрузке:
