1115D)19.1.26–P1-BHAGVAT 10ASKANDH (OOTR) 80ADHYAY – SHREE KRISHN-KE DWARA SUDAMAJEE SWAGAT -SINHA

Описание: (link -    / @harendrasinha7467  )
1115DAY) 19.01.2026 – PART1 - SHREE MAD-BHAGVAT MAHAPURAN DASHAM ASKANDH (OOTRARDH) ASSIWAAN (80) ADHYAY – SHREE KRISHN-KE DWARA SUDAMAJEE-KA SWAGAT - BY Dr. HARENDRA PRASAD SINHA

1115DAY)
OM NAMO BHAGVATE VAASUDEVAYA
SHREE MAD-BHAGVAT MAHAPURAN
DASHAM ASKANDH
(OOTRARDH)
ASSIWAAN (80) ADHYAY
SHREE KRISHN-KE DWARA SUDAMAJEE-KA SWAGAT

Raja PARIKSHIT ne puchha - BHAGWAN! Prem aur Mukti-ke daata Perbrahm Permatma Bhagwan Shree KRISHN-KI shakti Anant hai. Isliye Unki madhurya aur aishwarya-se bhari Lilayein bhi Anant hain. Ab Ham dusari Lilayein, Jinka varnan Aapne abtak nahin kiya hai, sunna chahte hain. BRAHMAN! Yah jeev vishaya-sukh-ko khojte-khojte anant dukhi ho gaya hai. Ve baan-ki tarah ooske chitt-mein chubhte rahte hain. Aisi isthit-mein aisa kaun-sa rasik - ras-ka visheshagya purush hoga, jo baar-baar Pavitra-kirti Bhagwan Shree KRISHN-KI Mangalmai Lilaon-ka shravan karke bhi Oonse vimukh hona chahega. Jo Wani Bhagwan-ke goonon-ka gaan karti hai, wahi sachchi Wani hai. Ve hi Haath sachche Haath hain, jo Bhagwan-ki seva-ke liye kaam karte hain.
Wahi Mun sachcha Mun hai, Jo charachar praniyon-mein niwas karnewale Bhagwan-ka asmaran karta hai; aur Ve hi Kaan waastav-mein Kaan kahne yogya hai, jo Bhagwan-ki Punyamai Kathaon-ka Shravan karte hain. Wahi Seer Seer hai, jo charachar jagat-ko Bhagwan-ki chal-achal Pratima samajhker Namaskar karta hai; aur jo sarvatra Bhagvad-vigrah-ka darshan karte hain, Ve hi Netra waastav-mein Netra hain. Sharir-ke jo ang Bhagwan aur Unke Bhakton-ke Charnodak-ka sevan karte hain, Ve hi Ang waastav-mein Ang hain; sach puchiye tau Unhin-ka hona safal hai.
SOOTJEE kahte hain - SHAUNKADI RISHIYON! Jab Raja PARIKSHIT-NE isprakar prashn kiya, tab Bhagwan Shree SHUKDEVJEE-KA HRIDAYA Bhagwan Shree KRISHN-MEIN talleen ho gaya. Unhone PARIKSHIT-SE isprakar kaha .
Shree SHUKDEVJEE ne kaha - PARIKSHIT! Ek Braahman Bhagwan Shree krishn-ke param Mitra the. Ve bade Brahm-gnyani, vishayon-se Virakt, Shant-chitt aur Jitendriya the. Ve grihasht honeper bhi kisi prakar-ka sangrah-parigrah na rakhker prarabdh-ke anusar jo mil jaata, oosi-mein santusht rahte the. Unke vastra tau fate-purane the hi, Unki Patni-ke bhi waise hi the. Wah bhi Apne Pati-ke samaan hi bhookh-se dubli ho rahit thi. Ek din daridrata-ki pratimurti dukhini Pativrata bhookh-ke maare kaanpati huyee Apne Patidev-ke paas gayee aur moorjhaye huye moonh-se boli -
"BHAGWAN! Saakshaat LAKSHMIPATI Bhagwan Shree KRISHN Aapke sakha hain. Ve Bhakt-waanchchha-kalptaru, Sharnagat-vatsal aur Braahmanon-ke param Bhakt hain. Param Bhaagyawaan Aarya-putra! Ve sadhu-santon-ke, satpurushon-ke ekmaatra aashraya hain. Aap Unke paas jaeye. Jab Ve jaanenge ki Aap Kutumbi hain aur Ann-ke bina dukhi ho rahe hain, tau Ve Aapko bahoot-sa dhan denge. Aajkal Ve Bhoj, Vrishni aur Andhakvanshi Yadvon-ke Swami-ke roop-mein Dwarka-mein hi niwas ker rahe hain aur itne oodaar hain ki jo Unke Charan-kamlon-ka asmaran karte hain, oon premi Bhakton-ko Ve Apne-Aap tak-ka daan ker daalte hain. Aisi isthiti-mein Jagadguru Bhagwan Shree KRISHN Apne Bhakton-ko yadi dhan aur vishaya-sukh, jo atyant waanchhinya hai, de-dein, tau ismein aashcharya-ki kaun-si baat hai." OM PARMATMANE NAMAH.
Prarthana:- Kripakar lekh ko apne sabhilogon ko batein (share karein) taki ve bhi iska laabh utha sakein aur kalyan ho. FB or whats app per link ko copy kar.
Continued-------