1116D)20.1.26–P2-BHAGVAT 10ASKANDH (OOTR) 80ADHYAY – SHREE KRISHN-KE DWARA SUDAMAJEE SWAGAT -SINHA

Описание: (link -    / @harendrasinha7467  )
1116DAY) 20.01.2026 – PART2 - SHREE MAD-BHAGVAT MAHAPURAN DASHAM ASKANDH (OOTRARDH) ASSIWAAN (80) ADHYAY – SHREE KRISHN-KE DWARA SUDAMAJEE-KA SWAGAT - BY Dr. HARENDRA PRASAD SINHA

Continued-------
1116DAY)
OM NAMO BHAGVATE VAASUDEVAYA
SHREE MAD-BHAGVAT MAHAPURAN
DASHAM ASKANDH
(OOTRARDH)
ASSIWAAN (80) ADHYAY
SHREE KRISHN-KE DWARA SUDAMAJEE-KA SWAGAT

Shree SHUKDEVJEE kahte hain - PARIKSHIT! Isprakar jab Oon Braahman-devta-ki Patni-ne Apne Patidev-se kayee baar badi namrata-se prarthna ki, tab Unhone socha ki "Dhan-ki tau koyee baat nahin hai; parantu Bhagwan Shree KRISHN-KA darshan ho jayega, yah tau jeevan-ka bahoot bada laabh hai". Yahi vichar karke Unhone jaane-ka nishchaya kiya aur Apni Patni-se bole - "KALYANI! Ghar-mein koochh bheint dene-yogya Vastu bhi hai kya? Yadi ho to de do?" Tab Oos Braahmani-ne paas-padosh-ke Braahmanon-ke ghar-se Chaar (4) Mootthi CHIUDE maangker ek kapde-mein baandh diye aur Bhagwan-ko bheint dene-ke liye Apne Patidev-ko de diye. Iske baad Ve Braahman-devta Oon Chiudon-ko leker Dwarka-ke liye chal pade. Ve marg-mein yah sochte jaate the ki "Mujhe Bhagwan Shree KRISHN-KE darshan kaise prapt honge?"
PARKSHIT! Dwarak-mein pahunchne-per Ve Braahman-devta dusare Braahmanon-ke saath sainikon-ki Teen chhavniyaan aur Teen dyaudhiyaan paar karke Bhagvad-dharm-ka paalan karnewale Andhak aur Vrishnivanshi Yadvon-ke Mahlon-mein, Hahan pahunchna atyant kathin hai, ja pahunche. Unke beech Bhagwan Shree KRISHN-KE Solah Hazar (16000) Raniyon-ke Mahal the. Oonmeinse Ek-mein Braahman-devta-ne pravesh kiya. Wah Mahal khoob saja-sajaya - atyant shobhayukt tha. Oosmein pravesh karte samaya Unhein aisa maaloom huaa, maano Ve Brahmanand-ke samudra-mein doob-ootra rahe hon. Oos samaya Bhagwan Shree KRISHN Apni Praan-priya RUKMINIJEE-KE palangper viraje huye the. Braahman-devta-ko duur-se hi dekhker Ve sahsa ooth khade huye aur Unke paas aakar bade aanand-se Unhein Apne Bhujpaas-mein baandh liya.
PARIKSHIT! Permanand-swaroop Bhagwan Apne Pyare sakha Braahman-devta-ke ang-asparsh-se atyant aanandit huye, Unke Kamal-ke samaan Komal Netron-se prem-ke aansu barasne lage. PARIKSHIT! Koochh samaya-ke baad Bhagwan Shree KRISHN-NE Unhein laaker Apne palang-per baitha diya aur Swaim Pujan-ki saamagri laaker Unki Puja ki. Priy PARIKSHIT! Bhagwan Shree KRISHN sabhi-ko pavitra karnewale hain; phir bhi Unhone Apne Haathon Braahman-devta-ke Paanw pakhar-ker Unka Charnodak Apne Seerper dhaaran kiya aur Unke sharir-mein Chandan, Argaja, Kesar aadi Diwya gandhon-ka lepan kiya. Phir Unhone bade aanand-se sugandhit Dhoop aur Deepawali-se Apne Mitra-ki Arti ootari. Isprakar Puja karke Paan evam Gaay deker madhur vachnon-se "BHALE PADHARE" aisa kahker Unka swagat kiya. OM PARMATMANE NAMAH.
Prarthana:- Kripakar lekh ko apne sabhilogon ko batein (share karein) taki ve bhi iska laabh utha sakein aur kalyan ho. FB or whats app per link ko copy kar.
Continued-------