Tv Klan - SPAK lëshon 7 urdhër arreste, RENEA zbarkon në vlorë

Описание: Këto janë pamjet nga operacioni që forcat e policisë zhvilluan prej orëve të para të mëngjesit në zonën e Ujit të Ftohtë në Vlorë, me urdhër të SPAK.

7 urdhra ndalimi mësohet se janë miratuar nga Gjykata e Posaçme me kërkesë të SPAK, e cila ka udhëhequr operacionin ku morën pjesë forca të shumta policore, mes tyre edhe ato të RENEA-s.

Urdhër-arreste ka edhe për persona që aktualisht ndodhen në burg për vepra të tjera penale, mes të cilëve Flodian Plaku.

Burime bëjnë me dije se aksioni vjen pasi Prokuroria e Posaçme ka mundur të zbardhë dy vrasje, si dhe episode të trafikut të drogës, ku të përfshirë dyshohet se janë persona me precedent kriminal, si Inez Hajrulla dhe Ervis Matodashaj.

Mes ngjarjeve të zbardhura është edhe vrasja e Gentian Qarrit, ngjarje e ndodhur më 6 shkurt 2021 në qytetin bregdetar.

40-vjeçarit iu bë atentat nga një automjet në lëvizje. Ai fillimisht mbeti i plagosur, por si pasojë e plagëve të marra ndërroi jetë.

Deri tani SPAK dhe Policia nuk kanë dalë me një njoftim zyrtar sa i takon operacionit të zhvilluar, që gjeti Vlorën këtë të shtunë të blinduar me forca të shumta policie që për orë të tëra ushtruan kontrolle në disa zona e banesa.SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/