Teatri Kombetar, Kastriot Çipi lume akuzash ndaj drejtorit Xhevdet Ferri - (1 Mars 2002)

Описание: Lajme Arkiva - TV Klan 2002

Në Teatrin Kombëtar, duket se ka shpërthyer një nga polemikat më të ashpra të kohëve të fundit. Ka qenë pikërisht regjisori Kastriot Çipi, i cili së bashku më disa artistë përkrah tij, ka ngritur një sërë akuzash kundrejt drejtorit të TK Xhevdet Ferri.

Sipas zotit Çipi, drejtor i Teatrit Kombëtar, po përpiqet me të gjitha mënyrat për të penguar realizimin e projektit të dramës “Histori Zoologjike”, e cila ka qenë një nga tre projektet e miratuara nga bordi artistik i këtij teatri, për sezonin 2001-2002. Realizimi i projektit të kësaj drame, po has pengesa të mëdha dhe sipas zotit Kastriot Çipi, drejtori Ferri, duke sajuar këto probleme, ka shkelur statusin e teatrit dhe ligjin për teatrin.

Moslidhja e kontratës me aktorin Neritan Liçaj, për një afat 12 mujor, mospagesa e shpenzimeve të udhëtimit dhe dietat për skenografin Fatbardh Marku, i cili punon ne teatrin “Skampa” të Elbasanit, mospagesa e asistentëve dhe personave të tjerë që do të ndihmojnë në realizimin e dramës, janë disa nga problemet, të cilat nëse nuk zgjidhen, rrezikojnë dështimin e shfaqjes, premiera e të cilës duhet të jetë në datën 29 Mars.

Sipas zotit Kastriot Çipi, këto pengesa nga ana e drejtorit Ferri, vijnë si një hakmarrje personale kundër tij dhe që lidhet me kohën kur ai ka qenë nëndrejtori i këtij institucioni.

Regjisori Kastriot Çipi:- “Është hakmarrje personale. Kjo ka të bëjë me marrëdhëniet e mija me zotin Ferri, gjatë kohës që unë kam qenë nëndrejtor i TK dhe më pas. Unë kam qenë bashkëpunëtor i zotit Ferri dhe kam dhënë dorëheqjen, pikërisht sepse nuk puqesha me zotin Ferri, në mënyrën se si ai interpretonte, në mënyrë liberale, sipas interesave të tij, ligjin dhe statutin që është një akt nënligjor”.

Nga ana e tij drejtori Ferri, i cili nuk ka qenë në dijeni të kësaj konference shtypi thotë, se nuk i njeh akuzat që janë ngritur për të.

Regjisori Xhevdet Ferri:- “Unë nuk jam i njohur me konferencën e shtypit të zotit Çipi dhe me akuzat e tij, të cilat të renditura sipas jush ngjajnë me ato të një prokurori. Zoti Çipi është i sapo kontraktuar me Teatrin Kombëtar, pasi këshilli artistik dhe administrativ i TK, një nga katër projektet që ka aplikuar vitin e kaluar, e ka shpallur fitues. Nuk ka asnjë shkelje dhe shkeljet në statutin e TK, apo në legjislacionin shqiptar, zoti Çipi mund t’i drejtohet organeve arbitër. Teatri Kombëtar nuk funksion me ligjin e ri për teatrin, sepse me ligjin e ri TK humbet statutin që ka”./tvklan.al

Gazetare – Fjodora Fjora


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/