Edicioni i Lajmeve Tv Klan 28 Shkurt 2026, ora

Описание: Lajme, #edicioniinformativ ora 22:50, 28 shkurt 2026 #TvKlan #klanlajme

Spiker: Redi Prifti

Headlines

Opozita proteston pa fjalime në Tiranë. Berisha: Fundi i Ramës po afron

Opozita protestoi për mbi tre orë nëpër rrugët e Tiranës, duke kërkuar largimin e kryeministrit Edi Rama, në një tubim ndryshe ku munguan fjalimet. Molotovë u hodhën drejt vilës së ish-diktatorit Enver Hoxha dhe ndaj koshave të mbeturinave. Lideri i opozitës, Sali Berisha, deklaroi se fundi i kryeministrit Rama po afron.

SHBA dhe Izraeli sulmojnë Iranin: U vra Khamenei. Teherani e mohon: Po e drejton luftën

SHBA dhe Izraeli ndërmorën një operacion ushtarak kundër Iranit të shtunën, duke deklaruar se gjatë sulmit mbeti i vrarë Ajatollah Ali Khamenei. Por Teherani e mohoi lajmin, duke theksuar se ai po drejton luftën. Irani iu kundërpërgjigj duke sulmuar Izraelin.

Kumbe: 11 shqiptarë duan të largohen nga Izraeli. Aktualisht janë në vende të sigurta

Ambasadorja e Shqipërisë në Tel Aviv, Meri Kumbe, tha në një intervistë për TV Klan se 11 shqiptarë duan të largohen nga Izraeli, por për momentin duhet të qëndrojnë në siguri. Sipas saj, i gjithë vendi është në gjendje të jashtëzakonshme deri më 2 mars.

Rama: Shpallim terroriste Gardën Revolucionare. Berisha: Uroj që regjimi ta ketë marrë përgjigjen

Kryeministri Rama deklaroi se Shqipëria do ta shpallë organizatë terroriste Gardën Revolucionare të Iranit. Sipas tij, ajo është përgjegjëse për përgjakjen e qytetarëve të saj. Reagoi edhe Berisha, i cili tha se shpreson që regjimi ta ketë marrë përgjigjen e merituar.

Rama dhe Vuçiç, nismë e re për integrimin në BE: Na pranoni në Shengen dhe tregun e përbashkët

Në një editorial të përbashkët të botuar në mediat gjermane, kryeministri Rama dhe presidenti serb Aleksandar Vučić i kërkojnë BE-së një qasje të re ndaj zgjerimit. Ata propozojnë që vendet kandidate të bëhen pjesë e Shengenit dhe Tregut të Përbashkët Europian.

Parashikimi i OKB: Zonat rurale do të zbrazen. Mbi 500 fshatra shqiptare kanë më pak se 10 banorë

Një studim i fundit i Organizata e Kombeve të Bashkuara vëren se zonat rurale në Shqipëri po shkojnë drejt zbrazjes së popullsisë. Aktualisht, mbi 500 fshatra kanë më pak se 10 banorë. Ekspertët theksojnë se reformat për zonat rurale duhet të jenë më të thella dhe më efektive.

Sylvinho kërkon 2 emra të rinj. Pilo dhe Pllana gati të vishen kuqezi

Trajneri i Kombëtares, Sylvinho, po mendon dy prurje të reja për sfidën me Poloninë. Bëhet fjalë për mbrojtësin Stavro Pilo, që aktivizohet në Greqi, dhe Bujar Pllanën, i cili luan në kampionatin polak.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/