ശാസ്താംകോട്ട കായലാണോ തടാകമാണോ?|Sasthamkotta Lake
Автор: KERALA SELFIE
Загружено: 2021-03-21
Просмотров: 794
Описание:
ശാസ്താംകോട്ട, കായലാണോ തടാകമാണോ?
സമുദ്രവുമായി ബന്ധപ്പെട്ട് കിടക്കുകയും പുഴകൾ വന്ന് പതിക്കുകയും ചെയ്യുന്ന വിശാലമായ പരപ്പുള്ള ജലാശയങ്ങളാണ് കായൽ. കേരളത്തിലെ മിക്ക നദികളും കടലുമായി ചേരുന്നതിന് മുമ്പ് കായലിൽ പതിക്കുന്നു. അങ്ങനെയുള്ള ഈ കായലുകൾ സമുദ്രത്തിൽ ചേരുന്നു.
ചില തടാകങ്ങൾ, കായലുകൾ എന്ന പേരിൽ അറിയപ്പെടുന്നുണ്ട്. അതിലൊന്നാണ് ശാസ്താംകോട്ട ജലാശയം. പുഴകളൊന്നും വന്നുചേരാത്ത ശാസ്താംകോട്ട ജലാശയത്തിന് കടലുമായിട്ടും യാതൊരുവിധ ബന്ധവുമില്ല. ഒഴുക്കില്ലാത്ത ഇത്തരം തടാകങ്ങൾ അധികം വിശാലവുമല്ല. ശാസ്താംകോട്ട കായൽ എന്നാണ് പറയാറുള്ളതെങ്കിലും യഥാർത്ഥത്തിൽ ഇതൊരു തടാകമാണ്.
കേരളത്തിലെ ഏറ്റവും വലിയ ശുദ്ധജലതടാകമാണ് ശാസ്താംകോട്ട ജലാശയം. കൊല്ലം ജില്ലയിലെ കുന്നത്തൂർ താലൂക്കിലാണ് ഇത് സ്ഥിതി ചെയ്യുന്നത്. തീരത്ത് സ്ഥിതി ചെയ്യുന്ന ശാസ്താ ക്ഷേത്രത്തില് നിന്നാണ് തടാകത്തിന് ഈ പേര് ലഭിച്ചത്. കൊല്ലത്ത് നിന്ന് ഏകദേശം 25 കിലോമീറ്റര് അകലെ സ്ഥിതി ചെയ്യുന്ന ശാസ്താംകോട്ട തടാകത്തിലേക്ക് റോഡ് മാര്ഗ്ഗവും കടത്ത് വഴിയും എത്തിച്ചേരാം.
പച്ചപ്പ് നിറഞ്ഞ കുന്നിൻ പ്രദേശങ്ങളും കുന്നുകൾക്കിടയിലെ നെൽ പാടങ്ങളും ഈ ശുദ്ധജല തടാകത്തെ മനോഹരമാക്കുന്നു. ഈ പ്രകൃതി സൗന്ദര്യം ആസ്വദിച്ചുള്ള തടാകയാത്ര സഞ്ചാരികളെ ഇവിടേക്ക് ആകർഷിക്കുന്നു.
ജൈവ വൈവിധ്യം നിറഞ്ഞ ഈ പ്രദേശത്തിന്റെ പ്രധാന ഭാഗങ്ങളെല്ലാം കൃഷിക്ക് വേണ്ടി ഉപയോഗിക്കുന്നുണ്ട്. ഈ മേഖലയിലെ മണ്ണിന് ഫലഭൂയിഷ്ടത നല്കുന്നതില് ശാസ്താംകോട്ട തടാകത്തിന് വലിയ പങ്കാണുള്ളത്. കൊല്ലം നഗരത്തിലേയും തടാകത്തിന് ചുറ്റുമുള്ള പഞ്ചായത്തുകളിലേയും ജനങ്ങൾക്ക് കുടിവെള്ളം ലഭ്യമാക്കുന്നത് ഈ തടാകത്തിൽ നിന്നാണ്.
2002ല് നടന്ന റാംസര് കണ്വെന്ഷന് ശാസ്താംകോട്ട തടാകത്തിനെ സംരക്ഷിത തണ്ണീർത്തടങ്ങളുടെ പട്ടികയില് പെടുത്തിയിട്ടുണ്ട്. കേരളത്തിൽ ഇത്തരത്തിൽ സംരക്ഷിത തണ്ണീർത്തടങ്ങൾ മൂന്നെണ്ണമാണ് ഉള്ളത്. ശാസ്താംകോട്ട ശുദ്ധജലതടാകത്തെ കൂടാതെ വേമ്പനാട് കോൾ നിലങ്ങൾ, അഷ്ടമുടിക്കായൽ എന്നിവയാണ് ഈ പട്ടികയിൽ ഉള്ളത്
#Sasthamkotta
#sasthamkotta Lake
#sasthamkotta kayal
#sasthamkotta thadakam
#kerala lakes
#kollam lakes
Повторяем попытку...
Доступные форматы для скачивания:
Скачать видео
-
Информация по загрузке:
