İbrahim Məsimoğlu: "YURD SEVDALI SEYİDAĞA" mahnısı

Описание: Bu mahnı Birinci Qarabağ müharibəsi iştirakçısı, Azərbaycan Ordusunun ilk hərbi operatoru, çox dəyərli səngər qardaşımız Seyidağa Mövsümlüyə həsr edilmişdir.

YURD SEVDALI SEYİDAĞA
Oğuz qanlı ilk taborun odsaçan bölük rəhbəri,
Beş aldı yurd savaşından Azərbaycan türk hünəri,
Coşdu onun inadından od obamın nər əsgəri,
Ulu millət tarixində itən deyil Seyidağa!


Tanımır heç bir sevgini vətən eşqindən yuxarı,
Oxunur onun gözündə milli kişilik vüqarı,
Axı macal verəcəkmi əsəbi qeyrət damarı?!
Ulu millət yolundan dönən deyil Seyidağa!


Qanlı yanvar qapatmadı iti kamera gözünü,
Cəsarətlə çox soyutdu yanan Xocalı sözünü,
Qəlbində gəzdirsə də qızmar Qarabağ közünü,
Ulu millət yaddaşını silən deyil Seyidağa!


Yarasından qan axsa da vuruşa öndə atılar,
Qarabağ döyüş yaddaşı başını uca saxlayar,
Yumruqlaşan nər ürəyi nə qədər qubar bağlayar?
Ulu millət sevdasında sönən deyil Seyidağa!


Onun güvənc mənbəyidir əbədi Yunis şöhrəti,
Onun yaşam hədəfidir gizir İslam qeyrəti,
Ona ruhən himayədir ölməz Feyruz qüdrəti,
Ulu millət kədərinə dözən deyil Seyidağa!


İçində nədən kəsilmir bu hönkürtü, bu hıçqırıq?!
Alovlu ağzından çıxan kəlmələri hədsiz yanıq:
Daşnaka bel bağlamayaq-düşmənimiz zatıqırıq!"
Ulu millət davasında ölən deyil Seyidağa!


İbrahim MƏSİMOĞLU