İbrahim Məsimoğlu: "ALİ ŞƏHİD RÜTBƏSİNDƏ ƏBƏDİ GÜLŞAD SƏRXANIM!" mahnısı

Описание: Bu mahnı Vətən savaşımızda şəhid olmuş tabor komandiri mayor Muxtarov Sərxan İlqar oğluna həsr edilmişdir.

ALİ ŞƏHİD RÜTBƏSİNDƏ ƏBƏDİ GÜLŞAD SƏRXANIM

Hər dəm qürur doğururdu Sərxanın könül dünyası,
Atası cəsur İlqarın kəsilmirdi yurd röyası,
Kiməcə heç bənzəmirdi, hər cığırı dik gedərdi,
Sərxan adlı bir aləmin güclü yurd sevgi mayası.

Düşmən qanına bələndi, hücumlar qızışdı yaman
Sərxan öz andına sadiq: həm dişə diş, həm qana qan

Xüsusi məna verirdi çılğın, qorxmaz əməlləri,
Sevərdi öncül olmağı, kəsilməzdi gen hünəri,
Hərbi təlim məşqlərində daim qabaqda gedərdi,
Açılan yeni sabahda artardı ümid kəsəri.

Düşmən qanına bələndi, hücumlar qızışdı yaman
Sərxan öz andına sadiq: həm dişə diş, həm qana qan

Hər kəs ürək sahibidir, amma kimdir mərd ürəkli?!
Müşkül əmrin icrasında çox möhkəm arxa kürəkli,
Heç kimin unamadığı çıxış yolunu tez tapan
Sərxan adlı komandirin fənd uğuru çox sürəkli!

Düşmən qanına bələndi, hücumlar qızışdı yaman
Sərxan öz andına sadiq: həm dişə diş, həm qana qan

Fərqli zabit xarakteri hər zaman yada salınır,
Üstün Sərxan cəhdlərindən, çox ibrətli dərs alınır,
Qardaşı İsrəfil ilə el anası Çimnaz xanım
Şəhid Sərxanla sevilir, fəxrli gücə dayaqlanır.

Düşmən qanına bələndi, hücumlar qızışdı yaman
Sərxan öz andına sadiq: həm dişə diş, həm qana qan

Mənəvi haqq yolumuzun hədəfi bol vətənçilik,
Ordumuz bəxş etdi bizə daimi bir xoşbəxtçilik,
Qarabağ dərdimizə də halal savaşla son qoyduq
Sərxan kimi oğullarla sönməz qüdrət sahibiyik.

Düşmən qanına bələndi, hücumlar qızışdı yaman
Sərxan öz andına sadiq: həm dişə diş, həm qana qan

Bizə ağlamaq yaraşmaz, cəsur Oğuz tükləriyik!
Şərəfsiz xain haylara tükənməyən əks-qüvvəyik!
Hər göz yaşının axırı haçansa nikbin bir ovqat
Axı, bizlər Sərxan kimi oğullarla hünərliyik.

Düşmən qanına bələndi, hücumlar qızışdı yaman
Sərxan öz andına sadiq: həm dişə diş, həm qana qan

Yaltaq lovğalı daşnakdan haçansa qalib çıxarmı?!
Hədsiz uzanan işğala, bəlaya Sərxan susarmı?!
Qarabağa doğru gedən ordumuzun savaşında
Yurdun azadlığı üçün mərd oğul geri durarmı?!

Düşmən qanına bələndi, hücumlar qızışdı yaman
Sərxan öz andına sadiq: həm dişə diş, həm qana qan

Qələbə havası ilə şəhid ruhu şad Sərxanım,
Sarıqamış qəlbi ilə vətənə murad Sərxanım,
Nəyə gərək uzanan dərd, biz qələbə aşiqiyik
Ali şəhid rütbəsində əbədi gülşad Sərxanım.

İbrahim Məsimoğlu