Murree to Kuza Gali مری سے کوزہ گلی

Описание: Kuza Gali murree ke sath mulhiq digar galyat ki tarha sehat afza maqam he. Kuza Gali Abbottabad murree road per murree se taqreeban 25 kilometers ke fasly par he. Season ke dino me rush ke baes murree se 1:30 se 2 gante lag jate hain jabke asal fasla 45 mint ka he. KUZA Gali, nathiya gali or murree ke taqreeban darmiyan me he or ayoubiya se koi 3 kilometers Pehly ati he.
Murree or Kuza Gali k darmiyan darya gali, kali mitti, bariyan, khaira gali or chhangla gali k maqamat ate hain.
Darya gali, khera gali or bariyan ye wo badqismat elaqe hain jahan 7 January 2022 ko barfani tofan ke baes sekron amwat howin. Mukhtalif zrae in amwat ki mukhtalif wajohat biyan krte hain. Tmam zrae tmam khabren tmam wajuhat darust hain magar, aik bat roze Roshan ki tarha Ayan he in amwat ke zimadar mutalqa idare iske ehlkar or afsarane bala hain. Jab log sardi ki waja se road pe Mar rahe thay to ehlkar apne Garm kamron Garm lihafon me lete neend k maze lete rahe or afsarane bala ne ya tou apne fons band kr diay ya phir rat bhar jhoti tasaliyan dete rahe, or zulam is pe ye keh na koi inquiry howi or na zimadaran ko katehray me laya gya.
In galyat me baresh k dinon me land sliding ka khatara atam moujod rehta he lihaza ehtiyat zrori he. Siyahon k liay in galyat me abhi bhi mazeed iqdamat ki zrorat he khush alhlaq tarefic wardons ki zrorat shidat se mahsos ki ja rahi he jo Siyahon ki rahnumai kren na k unko tang Karen.
Kuza Gali me parks bachon k liay jholay or khane pakane ke bahut se aisay maqamat hain jahan aap family ke sath khoob enjoy kar sakte hain.