Muzaffar Abad to Murree

Описание: Hindostan ki riyaston ki taqseem ke liay do sharait theen. 1- Riyasat main abadi ka tanasub or riaya ki marzi. 2- jughrafiyai hesiyat.
In dono sharait ki bina per Kashmir ki Riyasat pakistan ke hissa me aati thi. Magar taqseem k waqt Kashmir ka mahraja Harri sing dogra hindu tha. Or yeh hindu raja Muslim aksariyat ke khilaf hindustan se Riyasat ka ilhaq chahta tha. Us ne awam ki baghawat k dar se 12 August 1947 ko Pakistan k sath "muaida jariya (stand still agreement) Kiya. Jis me Pakistan ke sath wada Kiya giya keh muamlat ko hasbe mamool rakha jai ga. Kuch arsa bad mahraja ne halat ko munasib dekhte howe Kashmir ka ilhaq bharat se karna chaha Magar wahan ki 75 fisad Muslim abadi Harri sing ke khilaf uth khari howi, mujahedin ne Riyasat ka dut kar mukabla kia. Isi tarha Pakistan ko b apni sarhadon ki hifazat k liay 1948 ki is jhang me hissa lena para ku k bharti fouj azad Kashmir
ki tarf paish qadmi kar rahi thi. Is paish qadmi ko rokne k liay pakistani fouj ne bharti fouj ko munh torh jawab dia or mujahedin k sath milkar Kashmir ka bahut sara hisa azad Kara diya tha.
Isi azad Kashmir ka darul hakoomat muzafar abad he. Muzaffar Abad daryae jehlum or daryae neelum k sangum k qareeb waqei he. Is zilla ki sarhad maghrib Me pakistani soba Kpk mashriq me maqbooza Kashmir k kupwara or barah mula azla or shumal me zilla neelum se milti he. Islam abad rawal pindi se is ka fasla 138 kilometers jabke Abbottabad se is ka fasla 76 kilometers he. Muzaffar Abad ki bunyad 1646 me sultan muzaffar Khan ne rakhi jo Kashir per hakoomat karne wale "bamba" qabila k sardar thay. Khan ne isi sal Lal qilla b Tamir kia tha take mughal saltanat ki darandazi ko roka ja sake. Muzaffar Abad azad Kashmir ka sab se bara shehar he. Ye shehar 2005 ke Kashmir ke zalzala k markaz k qareeb tha. Jis ki shidat rector scale per 7.6 thi. Zalzale se shehar ki taqreeban 50 fisad imartein tabah ho gaeen jis me zyada tar sarkari imartein theen. Or andaza lagaya gya k 🇵🇰 ke zere control ilaqon me 80 hazar afrad janbahaq howe. Jabke dosre andazon k mutabiq Marne walon ki tadad 1 lakh se zyada thi.
Yahan k khobsorat maqamat me Pir chanasi, Dalai, Garhi Dopatta, kel or Sharda hen.
Kel azad Kashmir ka aik qasba he jo ke muzaffar Abad se 155 kilometers jabke Sharda se 19 kilometers k fasle par he. Ye taqreeban 65000 feet ki bulandi par waqe he. Yahan aik jadeed tafreeh gah he.
Is ilaqe me saiful malook se doguna bari jheel waqe he jisay "londa jheel" kehte hain.
Muzaffar Abad me tareekhi Lal qila qudarti afat or hakoomati Adam twajhi k baes munhadim hota ja rha he.
Taqseeme Hind k un do sharait k mutabiq Kashmir Pakistan ka hissa he tha or rahe ga.