𝐌𝐚𝐬 𝐌𝐚𝐡𝐢𝐠𝐩𝐢𝐭 𝐧𝐚 𝐒𝐚𝐟𝐞𝐭𝐲 𝐑𝐮𝐥𝐞𝐬 𝐬𝐚 𝐦𝐠𝐚 𝐁𝐚𝐫𝐤𝐨 𝐬𝐚 𝐂𝐚𝐦𝐢𝐠𝐮𝐢𝐧, 𝐈𝐠𝐢𝐧𝐢𝐢𝐭 𝐧𝐠 𝐌𝐀𝐑𝐈𝐍𝐀 𝐬𝐚 𝐏𝐚𝐠𝐩𝐚𝐬𝐨𝐤 𝐧𝐠 𝐒𝐞𝐦𝐚𝐧𝐚 𝐒𝐚𝐧𝐭𝐚

Описание: Suportado ng Maritime Industry Authority (MARINA) Regional Office 10 ang mga aktibidad sa paligid ng Camiguin Island sa pagpasok ng Semana Santa at Summer Balik Eskwela sa pamamagitan ng paglalabas ng mga Relaxation Orders.

Ito ay matapos makiisa ang MARINA-10 sa ginanap na 1st Semester Joint Port Management Advisory Council (PMAC) at Port Security Advisory Committee (PSAC) Meeting sa PPA Passenger Terminal Building sa Port of Benoni, Mahinog, Camiguin. Ang pagpupulong ay bahagi ng paghahanda ng mga kinatawan mula sa iba't ibang ahensya ng pamahalaan para sa nalalapit na Semana Santa.

Kaugnay nito, tinalakay ang mas pinaigting na pagpapatupad ng mga regulasyon sa gate access at security screening protocols, pati na rin ang mga kahilingan para sa regulatory flexibility mula sa MARINA tuwing may malalaking aktibidad. Inilahad din ang mga updates at concerns ng MARINA at Philippine Coast Guard (PCG), kasama ang iba pang kaugnay na usapin.

Napag-usapan din ang pagpapahusay ng Passenger on Board (POB) process flow para sa mga pasahero at rolling cargoes upang mas maging maayos at episyente ang daloy ng mga biyahero sa pantalan.

Bahagi rin ng paghahandang ito ang pagharap sa mga malalaking aktibidad sa lugar, kabilang ang PANAAD 2026 na gaganapin mula Marso 30 hanggang Abril 5, gayundin ang mga plano para sa pagpapatupad ng Oplan Biyaheng Ayos: Semana Santa, Summer, at Balik Eskwela 2026.| via Ronna de los Santos

#DOTrPH
#MARINAPH