KOLANI DOPARIKI / కొలనిదోపరికి /AAV SERIES 04 EP -387 / NEDUNURI / VANIJAIRAM / YADUKULA KAMBHOJI

Описание: DHANURMASA DHYANAM BHAJANAM SERIES 2023-24 - EPISODE 29
ANNAMAYYA AJARAMARA SANKEERTANALU – 29

ధనుర్మాస ధ్యానం భజనం 2023-24 ప్రత్యేక శీర్షిక .

అన్నమయ్య అజరామర సంకీర్తనలు - 29

🌺🍃 ---------------- 🍃🌺

అన్నమయ్య అక్షరవేదం ..సంపుటి -- 387

( కొలనిదోపరికి గొబ్బిళ్ళో ... )

🌺🍃 ---------------- 🍃🌺

ఓం నమో వేంకటేశాయ. 🙏
అన్నమయ్య అక్షర వేదం ..సంపుటి -- 387 కి శుభ స్వాగతం ..🙏

ప్రార్థన ః--🌹🙏

గొబ్బిళ్ళో ! గొబ్బిళ్ళో !!
యబ్బురపు శిశువుకు గోకులాంగనలనరో
గొబ్బిళ్ళీ శ్రీ కృష్ణుని -
కిబ్బడి ముబ్బడి మహిమల యిందీవరుఁకున్ !!

🌹🙏🌹

✍️ స్వీయపద్యము ( కందము )

🌹🌹

ఓ గోకుల వనితలారా !
"గొబ్బిళ్లో గొబ్బిళ్లో " అని చప్పట్లు కొట్టుచూ గొబ్బెమ్మల చుట్టూ తిరుగుచూ ఆడిపాడరే ,

అతిశయమగు ఈ చిన్ని శిశువుకు ,
గొబ్బిళ్లో అనుచు ఈ శ్రీ కృష్ణునకు ,
లెక్కకు మిక్కిలిగా మహిమలు గల ఆ విష్ణుదేవుడే అయిన
ఈ గోపాలబాలునికి "గొబ్బిళ్ళో" అని ఆడి పాడరే !!🙏

🌹🙏🌹

🌺🍃 ---------------- 🍃🌺

మున్నుడి ఃః-- 🌹👇


ధనుర్మాసమంటేనే ఒక పెద్ద పండుగ .

గోదాదేవి అందరినీ కూడించి , దేవదేవుని మనసారా కొలిచి తరించిన మాసము .

ఆ భగవత్సాన్నిధ్యపు మాధుర్యమును మనకు చవిచూపిన మాసము .🙏

ఆధ్యాత్మిక భావాలు మనసునిండా నిలుపుకోగలిగే మాసము .🙏

చిన్ని కృష్ణుని కోసము ఇంటి ముంగిట రంగవల్లులు వేసి గొబ్బెమ్మలను పెట్టి అంగనామణులు ఆడిపాడే మాసము .🙏

భగవంతుడు మనతోనే ఉన్నాడు అను భావన అమితముగా కలిగే మాసము .🙏

ప్రతీ తెలుగింటా గొబ్బి పాటలు పాడుకునే ఆనందదాయకమైన మాసము .🙏

అటువంటి గొబ్బిళ్ల పాటను అన్నమాచార్యుల వారు కూడా అద్భుతమైన రచనతో మనకందించారు .🙏

గొబ్బెమ్మల చుట్టూ భజన చేస్తూ చప్పట్లతో తన్మయులమై ఈ పాట పాడుకుంటే ఆ చిన్ని కృష్ణుడు మన మధ్యలోనే ఉన్న భావన కలుగుటలో అతిశయోక్తి ఏమీ లేదు !🙏

బహుళ ప్రాచుర్యములో ఉన్న ఈ గొబ్బిళ్ల పాటలో అన్నమయ్య చిన్ని కృష్ణుని ఏమని పొగడుచున్నారో చూద్దామా !👇

🌺🍃 ---------------- 🍃🌺

🌹🌹

కొలను వద్దన అన్నీ దోచుకున్న ఆ వింత దొంగకు గొబ్బిళ్ళో !

యదుకులానికి కీర్తిని తచ్చిపెట్టిన వానికి గొబ్బిళ్ళో ! 🙏

గోపికల వస్త్రాలను (బాహ్యమైన వాటిపై మనకు ఉండే అభిమానమును) దొంగిలించిన వాడు ఆ చిన్ని కృష్ణుడు .🙏

అన్నిటినీ త్యజించి దేనిని పొందాలో తెలియచెప్పిన వాడని ఇక్కడ అర్థము ! 🙏

🌹🌹

కొండనే తన వ్రేలితో ఎత్తి , దానిని గొడుగు వలే చేసి , గోవులనూ , సాధుజనులనూ రక్షించిన ఈ చిన్ని బాలునకు గొబ్బిళ్లు ! 🙏

దుర్మార్గులైన శత్రువులకు నెత్తిమీద మోయలేని భారమైన ఈ బలముగల బాలునకు గొబ్బిళ్ళో !🙏

🌹🌹

పాపకార్యమని తలచకుండా అతనినే పనికట్టుకుని మరీ నిందించిన శిశుపాలునిపై కోపమును చూపిన కృష్ణునికి గొబ్బిళ్లో ! 🙏

అమితమైన బాధతో కంసుడికి కష్టాలను తెచ్చిపెట్టిన గోపాలబాలుడికి గొబ్బిళ్లో !!🙏

( ఇదేమిటి , కంసుడుకదా కృష్ణుని కష్టాల పాలు చేసినది అని అనుమానము రావచ్చు !

కానీ వాస్తవానికి ఆకాశవాణి ద్వారా కృష్ణుని గురించి తెలిసిన దగ్గర నుంచీ కడతేరే వరకూ కంటిమీద కునుకు లేకుండా గడిపాడు కంసుడు . అంతకన్నా కష్టము ఇంకేమి ఉండును ? ) 🙏

🌹🌹

గొప్ప గొప్ప వీరులైన రాక్షసులను తుదదాకా తరిమికొట్టి ఆ రాకాసుల గుండెల్లో కలిగిన భయాందోళనలకు మూలకారకుడైన వానికి గొబ్బిళ్ళో !🙏

వెండి బంగారములను మించిన నిధియైన ఈ తిరుమలకొండపై , తిరుగాడే ఈ కొండలదొరయైన
వేంకటాద్రి కృష్ణునకు గొబ్బిళ్ళో !! 🙏

🌹🙏🌹

ఓమ్ శ్రీ అలమేలుమంగా సమేత శ్రీ వేంకటేశ్వర స్వామినే నమః !🙏

తాత్పర్య సహిత దృశ్య మాలికగా మీకు అందించాలన్న నా చిన్న ప్రయత్నమును ఆశీర్వదిస్తారని ఆశిస్తూ..🙏
దోషములున్న...మన్నించమని విన్నపము... 🙏
( అన్నమయ్య అక్షర వేదం --- సంపుటి 387 )

✍️ -- వేణుగోపాల్ యెల్లేపెద్ది 🙏

🌹🌹 సంకీర్తన 🌹🌹


॥పల్లవి॥

కొలనిదోఁపరికి గొబ్బిళ్ళో యదు-
కులము స్వామికిని గొబ్బిళ్ళో

॥చ1॥

కొండ గొడుగుగా గోవులఁ గాచిన
కొండుక శిశువుకు గొబ్బిళ్ళో
దుండగంపు దైత్యులకెల్లను తల-
గుండు గండనికి గొబ్బిళ్ళో

॥చ2॥

పాపవిధుల శిశుపాలుని తిట్ల-
కోపగానికిని గొబ్బిళ్ళో
యేపునఁ గంసుని యిడుమలఁ బెట్టిన-
గోపబాలునికి గొబ్బిళ్ళో

॥చ3॥

దండి వైరులను తఱమిని దనుజుల-
గుండె దిగులునకు గొబ్బిళ్ళో
వెండిఁ బైఁడియగు వేంకటగిరిపై
కొండలయ్యకును గొబ్బిళ్ళో

🌹🙏🌹🙏🌹
#KOLANIDOPARIKI #కొలనిదోపరికి #vanijairam #vanijayaram #nedunuri #annamacharya #annamacharyakeerthanalu #annamayya #annamayyaaksharavedam #annamayyasongs #అన్నమయ్య #అన్నమాచార్య #annamayyakeerthanalu #annamayyakeerthana #ధనుర్మాసం #dhanurmasam #dhanurmasamspecial #dhanurmasamdhyanambhajanam