പ്രണയകാവ്യം മലയാളം കവിത || Pranayakavyam malayalam poem

Описание: കവിത :പ്രണയകാവ്യം
രചന : കൃഷ്ണ പ്രിയ
ആലാപനം : രാജു പനക്കൽ

അറിയാതെ എഴുതിയ വരികളിലൊക്കെയും ആത്മാവിൽ തൊടുന്നൊരു പ്രണയമുണ്ട് അനുഭൂതിയായെന്നിൽ പടരുന്ന പ്രണയത്തിൻ നിറമുള്ള കനവുകൾ ഏറെയുണ്ട് (2)

അഴകേറും വർണ്ണങ്ങൾ വാരി വിതറി നിറമാർന്ന സന്ധ്യകൾ കൂട്ടിനുണ്ട് മധുമാരി പെയ്യുന്ന രാവിലതൊക്കെയും ലഹരിയായ് നീ എന്നിൽ പടരാറുണ്ട്

അനുരാഗം കലർന്നൊരാ വരികളിലൊക്കെയും അറിയാതെ വസന്തം വിരിഞ്ഞിടുമ്പോൾ എഴുതുന്ന വരികളിൽ നീപോലും അറിയാതെ നിൻ മുഖചിത്രം തെളിയാറുണ്ട് (2)

കണ്ണിന് പൊൻകണി ആകാറുണ്ട് ചെറുമര ചില്ലയിൽ ചേക്കേറും പക്ഷികൾ കലപില ശബ്ദം കൂട്ടിടുമ്പോൾ അതിലൊരു പക്ഷിയായ് എൻ മനം മാറുന്നു ഇണയായ നിന്നെ തിരഞ്ഞിടുന്നു

പാൽനിലാ ചന്ദ്രിക പുഞ്ചിരി തൂകിയ രജനികൾക്കൊപ്പം മയങ്ങിടുമ്പോൾ നേർത്തൊരു രാഗമായ് രാക്കിളി പാട്ടുകൾ കുളിരാർന്ന രാവിൽ കേൾക്കാറുണ്ട്

ഇടറുന്ന സ്വരമോടെ ഒഴുകുന്ന രാഗത്തിൽ ഇണയെ പിരിഞ്ഞൊരു ദുഃഖമുണ്ട് മോകമാം അവളിലെ മോഹങ്ങൾ ഒക്കെയും കനവാർന്ന മിഴികളിൽ കാണാറുണ്ട്

ഇടറുന്ന സ്വരമോടെ ഒഴുകുന്ന രാഗത്തിൽ ഇണയെ പിരിഞ്ഞൊരു ദുഃഖമുണ്ട് മോകമാം അവളിലെ മോഹങ്ങളൊക്കെയും നനവാർന്ന മിഴികളിൽ കാണാറുണ്ട്

ഇലകൊഴിഞ്ഞാൽ മരചില്ലകൾ ഓരോന്നും മുളപൊട്ടി വീണ്ടും തളിർത്തിടുമ്പോൾ മധുരമാം സ്വപ്‌നങ്ങൾ ചിറക് വിരിക്കും അനുരാഗമെന്നിൽ നിരഞീടുന്നു

പൂർണ്ണമാകാത്തൊരു കവിതപോൽ നീയെൻ തൂലിക തുമ്പിൽ നിറഞ്ഞീടുമ്പോൾ വർണ്ണങ്ങളായിരം ചേർത്ത് ഞാൻ കുറിക്കട്ടെ

നിനക്കായ്‌ വീണ്ടുമൊരു പ്രണയകാവ്യം (3)

#kavithakalmalayalam
#kavita
#kavitha
#malayalamkavitha
#malayalamkavithakal
#malayalamkavita