"နှလုံးသားဖြင့်ရင်းနှီးရသော စကားလုံးများ" ‌စာရေးသူ -‌ Perseus / LH စာစဉ် အတွဲ (၃၀)

Описание: စာအုပ်အသစ်၊ စာရေးသူ အသစ်တွေ လာမေးတဲ့ စာဖတ်သူတွေအတွက် ကျနော်တို့ Listener's Heaven ရဲ့ LH စာစဉ် အတွဲ (၃၀) မှ "စာရေးသူ - Perseus" ရဲ့ "နှလုံးသားဖြင့်ရင်းနှီးရသော စကားလုံးများ" ဆိုတဲ့စာမူပဲဖြစ်ပါတယ်

"နှလုံးသားဖြင့်ရင်းနှီးရသော စကားလုံးများ"
စာရေးသူ - Perseus
စာဖတ်သူ - နန်းသိင်္ဂီ
ကြာချိန် - ၁၅ မိနစ် : ၄၄ စက္ကန့်

စာမြည်း
မိုးဖွဲလေးတွေ ကျနေတဲ့ ရန်ကုန်မြို့ရဲ့ ညဉ့်နက်သန်းခေါင်ယံဟာ ပုံမှန်ဆိုရင်တော့ တိတ်ဆိတ် ခြောက်ကပ်နေတတ်တယ်။ ဒါပေမဲ့ ဒီလမ်းကြားလေးထဲမှာတော့ ထူးဆန်းတဲ့ ဆိုင်လေးတစ်ဆိုင်က မီးမှိန်မှိန်လေး လင်းနေတုန်းပဲ။ ဆိုင်နာမည်က "နောက်ဆုံးဘူတာ စာတိုက်" တဲ့။ နာမည်က ဆန်းသလို ဒီဆိုင်က ပေးတဲ့ ဝန်ဆောင်မှုကလည်း ကမ္ဘာပေါ်မှာ ဘယ်နေရာမှာမှ မရှိတဲ့ အရာတစ်ခုပါ။
ဆိုင်တံခါးကို တွန်းဖွင့်လိုက်တာနဲ့ ကြားလိုက်ရတဲ့ ဂျိခနဲ မြည်သံက ဦးထွေးရဲ့ ရင်ကို ဒိန်းခနဲ တုန်သွားစေတယ်။ အသက် (၇၅) နှစ်အရွယ် ဦးထွေးတစ်ယောက် တုတ်ကောက်ကို အားပြုပြီး ဆိုင်ထဲကို ဝင်လာခဲ့တယ်။ ဆိုင်ထဲမှာ ခေတ်ဟောင်း သီချင်းအေးအေးလေး ဖွင့်ထားပြီး ကော်ဖီနံ့သင်းသင်းလေး ရနေတယ်။
ကောင်တာမှာ ထိုင်နေတာက အသက် (၂၀) ကျော်အရွယ် လူငယ်လေးတစ်ယောက်။ မျက်မှန်ဝိုင်းဝိုင်း လေးနဲ့ ကြည့်ရတာ စာဂျပိုးရုပ်လေး။ သူက ဒီဆိုင်ရဲ့ မန်နေဂျာ "ကောင်းကင်" ပါ။
"ရောက်လာပြန်ပြီလား အဘ... ဒီနေ့ရော စာရေးဖို့ ဆုံးဖြတ်ပြီးပြီလား"
ကောင်းကင်က လှမ်းမေးလိုက်တော့ ဦးထွေးက သက်ပြင်းချလိုက်ရင်း ကောင်တာရှေ့က ခုံမြင့်လေးမှာ ဝင်ထိုင်လိုက်တယ်။ သူ့လက်ထဲမှာ ဟောင်းနွမ်းနေတဲ့ ဓာတ်ပုံလေးတစ်ပုံကို တင်းတင်းကျပ်ကျပ် ဆုပ်ကိုင်ထားတယ်။ ဓာတ်ပုံထဲမှာတော့ ဦးထွေးရဲ့ ဇနီးသည် "ဒေါ်ခင်" က ပြုံးနေလေရဲ့။
"ဆုံးဖြတ်ရခက်နေတုန်းပဲ ကောင်လေးရယ်... ငါ့မှာ ပြောစရာစကားတွေက ပုံနေပြီ၊ ဒါပေမဲ့..."
ဦးထွေး စကားမဆက်နိုင်ဘဲ ရပ်သွားတယ်။ ဒီဆိုင်ရဲ့ စည်းကမ်းကို သူ ကောင်းကောင်းသိတာပေါ့။ ဒီစာတိုက်ကနေ သေဆုံးသွားတဲ့သူတွေဆီကို စာပို့လို့ရတယ်။ ဟုတ်တယ်... တကယ်ရောက်တယ်။ ဒါပေမဲ့ ပေးရတဲ့ တန်ကြေးက ပိုက်ဆံမဟုတ်ဘူး။ "အချိန်" ပဲ။
စည်းကမ်းချက် - စာတစ်လုံး ရေးလိုက်တိုင်း သင့်ဘဝရဲ့ လက်ကျန်သက်တမ်းထဲက (၁) ရက် လျော့ပါမည်။
စာတစ်လုံးဆိုတာ ဘာမှမဟုတ်တဲ့ အရာတစ်ခုလို့ ထင်ရပေမဲ့ ကိုယ့်သေမင်းတမန်က တံခါးဝရောက်နေတဲ့ အဘိုးအိုတစ်ယောက်အတွက်တော့ တစ်ရက်ဆိုတာ ရွှေထက်တန်ဖိုးရှိတဲ့ အရာပဲလေ။
"အဘ ရဲ့ လက်ကျန်သက်တမ်းကို စစ်ဆေးကြည့်ဦးမလား"

ဝတ္ထု ကို အောက်ပါလင့်ခ် ကို နှိပ်ပြီး ဖတ်ရှုခံစားနိုင်ပြီဖြစ်ပါတယ်။
စာစဉ်ဖတ်ရန် နှိပ်ပါ - https://online.fliphtml5.com/zlxdu/Bi...

*ယခုအသံ file များကို ကြော်ငြာမပါဘဲ Mp3 နဲ့ ရယူချင်ပါက အဖွဲ့ဝင်ပြီး ရယူနိုင်ပါတယ်။
*အဖွဲ့ဝင်လိုပါက ဖော်ပြပါ Link ထဲရှိ Messenger (သို့မဟုတ်) Viber မှတဆင့် စာပို့ဆက်သွယ်နိုင်ပါတယ်။

🔰 https://fliphtml5.com/site/13979096/i...