"စတင်ခြင်းမှအဆုံးသတ်ခြင်း" ‌စာရေးသူ -‌ ဗိန်း / LH စာစဉ် အတွဲ (၃၀)

Описание: စာအုပ်အသစ်၊ စာရေးသူ အသစ်တွေ လာမေးတဲ့ စာဖတ်သူတွေအတွက် ကျနော်တို့ Listener's Heaven ရဲ့ LH စာစဉ် အတွဲ (၃၀) မှ "စာရေးသူ - ဗိန်း" ရဲ့ "စတင်ခြင်းမှအဆုံးသတ်ခြင်း" ဆိုတဲ့စာမူပဲဖြစ်ပါတယ်

"စတင်ခြင်းမှအဆုံးသတ်ခြင်း"
စာရေးသူ - ဗိန်း
စာဖတ်သူ - နန်းသိင်္ဂီ
ကြာချိန် - ၅၂ မိနစ် : ၄၄ စက္ကန့်

စာမြည်း
၁၉၇၀ပြည့်နှစ်၊မေလ။ ရန်ကုန်(အင်းစိန်)မှတွံ‌တေးသို့။ သင်္ဘောတစ်စင်းဟာ ရေပြင်ကျယ်ပေါ်မှာ တအိအိ၊ တလိမ့်လိမ့်နှင့် ရွေ့လျား၍နေသည်။ ဘေးပတ်ပတ်လည် အရပ်ရှစ်မျက်နှာမှာ မှောင်လို့မည်းလို့။ ကမ်းကိုလည်းမမြင်၊လမ်းကိုလည်းမမြင်။ အမှောင်ထု၏အလယ်တွင် လမင်းကြီးက ခံ့ညားစွာ၀င်းပ၍နေသည်။ ငွေကြယ်စင်တို့ကလည်း တလက်လက်နဲ့ အမှောင်ထုကိုရန်စနေသည့်အလား။ တိတ်ဆိတ်နေသည့် ၀န်းကျင်မှာ ရိုက်ခတ်သံတွေပဲ့တင်၍နေသည်။ လူအယောက်(၂၀)၏ လက်ကောက်၀တ်တွင် သံလက်ထိပ်၊ ခြေကျင်း၀တ်တွင်လည်း သံခြေကျင်းများတစ်ခုနှင့်တစ်ခု ပွတ်တိုက်မိ၍ ရိုက်ခတ်သံများထွက်ပေါ်၍နေသည်။ ထိုသူတို့မှာ အကျဉ်းသားများဖြစ်ကြလေသည်။အင်းစိန်ထောင်မှ အကျဉ်းသားတစ်ချို့ကို တွံတေးရဲဘက်စခန်း သို့ သင်္ဘောဖြင့် ခေါ်ဆောင်လာခြင်းဖြစ်သည်။ အချိန်ကား ည၁၀နာရီကျော်ခန့်လောက်ရှိသည်။
သင်္ဘောသည် တအိအိနှင့်သွားနေရာမှ တစ်စစနှင့် ကမ်းကိုမြင်စပြုလာပြီဖြစ်သည်။ ထိုအချိန်ကား ၁၁နာရီလောက်တော့ရှိမည်။ နောက်၅မိနစ်ကြာသော် ကမ်းကပ်သည်။ ကမ်းပေါ်တွင် ၀တ်စုံအပြည့်နှင့် လူလေးယောက် ရပ်စောင့်နေသည်။ လက်ထဲ၌လည်း သေနတ်များကိုင်‌ဆောင်ထားကြသည်။ ထိုသူတို့မှာ ရဲဘက်စခန်းမှအမှုထမ်းများဖြစ်ကြသည်။ သင်္ဘောပေါ်မှ အကျဉ်းသားများဆင်းလာကြသည်။ အမှုထမ်း လေးယောက်နှင့် သင်္ဘောပေါ်မှအမှုထမ်းအချို့တို့ ၀န်းရံ၍ အကျဉ်းသားတို့ကို ရဲဘက်စခန်းစီသို့ ခေါ်ဆောင် သွားကြသည်။ ရဲဘက်စခန်းအတွင်းသို့ရောက်ကြပြီ။ အကျဉ်းသားများအား ထားရှိသောတဲအရှည်ကြီးတစ်ခု။ ဝါးနဲ့ဓနိနဲ့ဆောက်လုပ်ထားသည်။ အကျဉ်းသားများသည် ဝါးကွပ်ပျစ်ပေါ်တွင်တန်းစီးပြီးအိပ်ကြရသည်။ အကျဉ်းသားတန်းလျားကြီး၏ လက်ယာ၁၀ပေခန့်အကွာတွင် အမှုထမ်းများ၏ တဲ၃လုံးရှိသည်။ ထိုနေရာရဲ့ အလွန်တွင် စိုက်ခင်းမျိုးစုံရှိသည်။ ထောင်မှူးနှင့် ထောင်ပိုင်အိမ်တို့မှာမူ ထိုအရာများ၏ ပေ၂၀ကျော် လောက်တွင်ရှိသည်။ နှစ်ထပ်အိမ်လုံးချင်းတွေဖြစ်သည်။အုတ်နဲ့သွပ်မိုးနဲ့။

ဝတ္ထု ကို အောက်ပါလင့်ခ် ကို နှိပ်ပြီး ဖတ်ရှုခံစားနိုင်ပြီဖြစ်ပါတယ်။
စာစဉ်ဖတ်ရန် နှိပ်ပါ - https://online.fliphtml5.com/zlxdu/Bi...

*ယခုအသံ file များကို ကြော်ငြာမပါဘဲ Mp3 နဲ့ ရယူချင်ပါက အဖွဲ့ဝင်ပြီး ရယူနိုင်ပါတယ်။
*အဖွဲ့ဝင်လိုပါက ဖော်ပြပါ Link ထဲရှိ Messenger (သို့မဟုတ်) Viber မှတဆင့် စာပို့ဆက်သွယ်နိုင်ပါတယ်။

🔰 https://fliphtml5.com/site/13979096/i...