1113D)17.1.26–P2-BHAGVAT 10ASKANDH (OOTR) 79ADHYAY – BALVAL-KA OODDHAAR AUR BALRAMJEE-KI TIRTH-YATRA

Описание: (link -    / @harendrasinha7467  )
1113DAY) 17.01.2026 – PART2- SHREE MAD-BHAGVAT MAHAPURAN DASHAM ASKANDH (OOTRARDH) OON-NASIWAAN (79) ADHYAY – BALVAL-KA OODDHAAR AUR BALRAMJEE-KI TIRTH-YATRA - BY Dr. HARENDRA PRASAD SINHA

Continued-------
1113DAY)
OM NAMO BHAGVATE VAASUDEVAYA
SHREE MAD-BHAGVAT MAHAPURAN
DASHAM ASKANDH
(OOTRARDH)
OON-NASIWAAN (79) ADHYAY
BALVAL-KA OODDHAAR AUR BALRAMJEE-KI TIRTH-YATRA

Shree SHUKDEVJEE kahte hain - PARIKSHIT! Tadanter Sapt-godavari, Vena, Pampa aur Bheemrathi aadi-mein asnan karte huye Swami-kartikey-ka darshan karne gaye tatha wahan-se Mahadevjee-ke niwas-asthan SHREE-SHAIL-PER pahunche. Iske baad Bhagwan BALRAM-NE Dravid desh-ke param punyamay astha Venkatachal (BALAJEE) ka darshan kiya aur wahan-se Ve Kaamakshi - Shiv-kaanchi, Vishu-kaanchi hote huye tatha shreshth Nadi Kaveri-mein asnan karte huye Punyamay Shree-Rang-kshtra-mein pahunche. Shree-Rang-kshetra-mein Bhagwan Vishnu sada viraajmaan rahte hain.
PARIKSHIT! Wahan-se BALRAMJEE-NE Vishnu-Bhagwan-ke kshetra Reeshabh parvat, Dakshin Mathura tatha bade-bade maha-paapon-ko nusht karnewale Setubandh-ki yatra ki. Wahan Unhone Braahmanon-ko Dus Hazar (10000) Gauyein daan keen. Phir wahan-se Kritmala aur Taamra-parni Nadiyon-mein asnan karte huye Ve Malaya-parvat-per gaye. Wah parvat Saat (7) Kool-parvaton-mein-se ek hai. Wahan per viraajmaan AGASTYA Muni-ko Unhone namaskar aur abhiwadan kiya. Agastyajee-se ashirbaad aur anumati prapt karke BALRAMJEE-NE Dakshin samudra-ki yatra ki. Wahan Unhone Durgadevi-ka Kanyakumari-ke roopmein darshan kiya. Iske baad Ve Faalgoon tirth - Anant-shyan kshtra-mein gaye aur wahan-ke sarv-shreshth Panchaapsaras tirth-mein asnan kiya. Oos tirth-mein sarvda Vishnu-Bhagwan-ka Saanidhya rahta hai. Wahan BALRAMJEE Dus Hazar (10000) Gauyein daan keen.
Ab Bhagwan BALRAM wahan-se chalker Keral aur Trigart deshon-mein hoker Bhagwan Shankar-ke kshetra Gokarn-tirth-mein aaye. Wahan sada-sarvda Bhagwan Shankar viraajmaan rahte hain. Wahan-se Jal-se ghire Dweep-mein niwas karnewali Aaryadevi-ka darshan karne gaye aur phir oos dweep-se chalker Shoor-paarak-kshetra-ki yatra ki, iske baad Taapi, Payoshni aur Nirvindhya Nadiyon-mein asnan karke Ve Dandkaranya-mein aaye. Wahan hoker Ve Narmadajee-ke tatper gaye. PARIKSHIT! Iss pavitra Nadi-ke tatper hi Maahishmatipuri hai. Wahan Manu-tirth-mein asnan karke Ve phir Prabhas-kshtra-mein chale aaye. Wahin Unhone Braahmanon-se suna ki Kaurvon aur Paandavon-ke yudd-mein adhikaansh kshatriyon-ka sanhar ho gaya. Unhone aisa anubhav kiya ki ab Prithvi-ka koochh bhaar ooter gaya. Jis din ranbhumi-mein Bheemsen aur Duryodhan Gada-yuddh ker rahe the, oosi din BALRAMJEE Unhein rokne-ke liye Kurukshetra ja pahunche. OM PARMATMANE NAMAH.
Prarthana:- Kripakar lekh ko apne sabhilogon ko batein (share karein) taki ve bhi iska laabh utha sakein aur kalyan ho. FB or whats app per link ko copy kar.
Continued-------