1114D)18.1.26–P3-BHAGVAT 10ASKANDH (OOTR) 79ADHYAY – BALVAL-KA OODDHAAR AUR BALRAMJEE-KI TIRTH-YATRA

Описание: (link -    / @harendrasinha7467  )
1114DAY) 18.01.2026 – PART3 - SHREE MAD-BHAGVAT MAHAPURAN DASHAM ASKANDH (OOTRARDH) OON-NASIWAAN (79) ADHYAY – BALVAL-KA OODDHAAR AUR BALRAMJEE-KI TIRTH-YATRA - BY Dr. HARENDRA PRASAD SINHA


Continued-------
1114DAY)
OM NAMO BHAGVATE VAASUDEVAYA
SHREE MAD-BHAGVAT MAHAPURAN
DASHAM ASKANDH
(OOTRARDH)
OON-NASIWAAN (79) ADHYAY
BALVAL-KA OODDHAAR AUR BALRAMJEE-KI TIRTH-YATRA

Shree SHUKDEVJEE kahte hain - PARIKSHIT! Maharaj Yudhishthir, Nakul, Sahdev, Bhagwan Shree KRISHN aur Arjun-ne BALRAMJEE-KO dekhker pranam kiya tatha chup ho rahe. Ve darte huye mun-hi-mun sochne lage ki Ye na jaane kya kahne-ke liye yahan padhare hain? Oos samaya Bheemsen aur Duryodhan dono hi Haath-mein Gada leker ek-dusare-ko jeetne-ke liye krodh-se bharker bhanti-bhanti-ke paintre badal rahe the. Unhein dekhker BALRAMJEE-NE kaha - . "RAJA DURYODHAN aur BHEEMSEN! Toom dono veer ho. Toom dono-mein Bal-paurush bhi samaan hai. Main samajhta hoon ki Bheemsen-mein Bal adhik hai aur Duryodhan-ne Gada-yuddh-mein shiksha adhik paayee hai. Isliye Toomlogon-jaise samaan Bal-shaliyon-mein kisi ek-ki Jay ya parajay nahin hoti dikhti. Toomlog wyarth-ka yuddh mut karo, ab ise band ker do."
PARIKSHIT! BALRAMJEE-KI baat dono-ke liye hitker thi. Parantu oon dono-ka vair-bhaav itna dridh-mool ho gaya tha ki Unhone BALRAMJEE-KI baat na maani. Ve ek-dusare-ki katuwani aur durwayavhaaron-ka asmaran karke oonmut ho rahe the. Bhagwan BALRAMJEE-NE nishchaya kiya ki Inka prarabdh aisa hi hai; isliye ooske sambandh-mein vishesh aagrah na karke Ve Dwarka laut gaye. Dwarka-mein OOGRASEN aadi Gurujanon tatha anya sambandhiyon-ne bade prem-se aage aaker Unka swagat kiya. Wahan-se BALRAMJEE phir NAIMISHARANYA kshetra-mein gaye. Wahan Rishiyon-ne virodh-bhaav-se - yuddhadi-se nivrit BALRAMJEE-KE dwara bade prem-se sab prakar-ke Yagya karaye.
PARIKSHIT! Sach puchho tau Jitne bhi Yagya hain, Ve BALRAMJEE-KE Ang hi hain. Isliye Unka yah Yagyanushthan Lok-sangrah-ke liye hi tha. Sarv-samarth Bhagwan BALRAM-NE Oon Rishiyon-ko Vishuddh Tatwa-gnyan-ka Updesh kiya, jisse Ve log iss sampurn Vishwa-ko apne-aap-mein aur apne-aapko saare Vishwa-mein anubhav karne lage. Iske baad BALRAMJEE-NE Apni Patni REVATI-KE saath agyaant-asnan kiya aur soondar-soondar Vastra tha Aabhushan pahanker Apne Bhai-bandhu tatha swajan-sambandhiyon-ke saath isprakar Shobhayamaan huye, jaise Apni Chandrika evam Nakshatron-ke saath Chandradev hote hain. PARIKSHIT! Bhagwan BALRAM Swaim ANANT hain. Unka Swaroop Mun aur Wani-ke pare hai. Unhone Lila-ke liye hi Yah Manushya-ka-sa sharir grahan kiya hai. Oon Balshali BALRAMJEE-KE aise-aise Charitron-ki ginti bhi nahin ki ja sakti. Jo purush ANANT, SARVWYAPAK, Adbhoot-karma Bhagwan BALRAMJEE-KE Charitron-ka Saayan-pratah asmaran karta hai, wah Bhagwan-ka atyant priya ho jaata hai. OM PARMATMANE NAMAH.
Prarthana:- Kripakar lekh ko apne sabhilogon ko batein (share karein) taki ve bhi iska laabh utha sakein aur kalyan ho. FB or whats app per link ko copy kar.