श्रीकृष्णाय नम: प्रवचन-०४ | प्रेमस्वरूप श्रीकृष्ण, व्रजभक्ती आणि जीवनातील रासक्रीडेचा मथितार्थ

Описание: दरवर्षी कृष्णजन्माष्टमीला आपण कृष्णजन्म साजरा करतो आणि दुसर्‍या दिवशी त्या नटखट बाळकृष्णाच्या बाललीलांची आठवण म्हणून सर्वत्र दहीहंडी खेळली जाते. ह्याची सुरुवात कधीपासून झाली असावी, असा प्रश्न आपल्याला कधी पडला का? दि. २६ जून १९९७ रोजी केलेल्या ह्या श्रीकृष्णावरील प्रवचनाची सुरुवात सद्गुरु अनिरुद्ध बापू ह्याच प्रश्नाने करतात व पुढे एका सुंदर कथेतून त्याचे उत्तरही देतात. तसेच काळानुसार ह्या दहीहंडी खेळण्याच्या स्वरूपात होत गेलेले बदल, त्याबद्दलही माहिती देतात.

ह्या कथेच्या अनुषंगाने सद्गुरु बापू, ‘श्रीकृष्णाची सर्वश्रेष्ठ मानली जाणारी ‘व्रजभक्ती’ म्हणजे काय’ ते उलगडून दाखवतात; मात्र सर्वश्रेष्ठ असली, तरी सामान्य माणसालाही व्रजभक्ती कशी करता येऊ शकेल व त्याकरिता त्याने काय करणे आवश्यक आहे, तेही समजावून सांगतात. तसेच, दहीहंडी खेळायला का आणि कशी सुरुवात झाली आणि ती कोणी केली, ते एका लोककथेद्वारे सांगताना; दहीहंडी हा निव्वळ एक खेळ नसून ते एक ‘व्रत’ कसे आहे हेदेखील ते स्पष्ट करतात.

नेहमी अलिप्त, ‘करूनसवरून नामानिराळा’ राहणारा श्रीकृष्ण बांधला जातो फक्त प्रेमाने; कसा? ते सद्गुरु बापू ह्या कथेतील उदाहरणांद्वारे स्पष्ट करतात. आपल्याला सामान्य माणसाला जीवनात आनंद प्राप्त करायचा असेल तर आपल्याला ह्या श्रीकृष्णाबरोबर रासक्रीडा खेळता आली पाहिजे; पण ‘रासक्रीडा’ शब्द ऐकल्यावर आपल्या डोळ्यांसमोर येते तशी ही रासक्रीडा नव्हे, तर आपल्या प्रत्येकाच्या जीवनाशी संबंधित ही अत्यंत महत्त्वाची रासक्रीडा कुठली व ती कशी खेळायची, हे सद्गुरु अनिरुद्ध इथे आपल्याला समजावून सांगत आहेत.

#aniruddhabapu #vishnusahasranama #krishna
©℗
----------------------------------
Join the WhatsApp Channel - https://whatsapp.com/channel/0029Vb9c...

For more information about Sadguru Shree Aniruddha (Bapu) -
Aniruddha Devotion Sentience site - https://aniruddha-devotionsentience.com/
Samirsinh Dattopadhye blog - https://sadguruaniruddhabapu.com
Watch live events - https://www.aniruddha.tv

Know more about the Devotional Services carried out under the guidance of Sadguru Shree Aniruddha (Bapu) -
http://www.aniruddhasadm.com
https://aniruddha-aadeshpathak.com

----------------------------------