श्रीकृष्णाय नम: - ०१ | प्रेमरसाचा उद्‍गाता रसराज, तरीही गीता शिकवणारा रणधुरंधर जगद्गुरु श्रीकृष्ण

Описание: सद्गुरु अनिरुद्ध बापूंची रामरक्षेवरील प्रवचने म्हणजे भक्तिपूर्ण ज्ञानाचे अनमोल भांडारच आहे. प्रभु श्रीरामाइतकेच भारतीय मनाला भुरळ घालणारे दुसरे व्यक्तिमत्व म्हणजे ‘भगवान श्रीकृष्ण’ होय. सद्गुरु अनिरुद्धांच्या विष्णुसहस्रनामावरील प्रवचनांमध्ये ‘श्रीकृष्ण’ नामावरील प्रवचने खूप गाजली होती. ती ‘श्रीकृष्ण’नामावरील प्रवचने देखील प्रसारित करावीत, अशी वाढती मागणी श्रद्धावानांकडून केली जात होती. श्रद्धावानांच्या ह्या विनंतीला मान देऊन आजपासून रामरक्षेवरील प्रवचने काही काळापुरती स्थगित करून, सद्गुरु अनिरुद्धांची ‘श्रीकृष्ण’नामावरील प्रवचने सुरू करत आहोत. श्रीकृष्णावरील प्रवचने संपल्यावर रामरक्षेवरील प्रवचने पुन्हा पुढे चालू करण्यात येतील.

भगवान श्रीकृष्णाचे चरित्र म्हणजे भारतीय अध्यात्मातील एक मनमोहक आणि देदीप्यमान प्रकरण! गेली हजारो वर्षे ह्या श्रीकृष्णाने भक्तमनावर गारुड केलेले आहे. भक्तिमार्गियांना आनंद देऊन अधिकाधिक आकर्षून घेणार्‍या आणि ज्ञानमार्गियांना अधिकाधिक कोड्यात टाकणार्‍या ह्या श्रीकृष्णाचे चरित्र जितक्या वेळा वाचू, तितक्या वेळा त्याचे नवनवीन पैलू समोर येतात आणि आपल्याला स्तिमित करतात. त्याचबरोबर जास्तीत जास्त विरोधाभासही कृष्णाच्याच चरित्रात दिसतो.

अशा ह्या अनंतपैलू श्रीकृष्णाच्या प्रमुख पैलूंवर प्रकाश टाकणारी, सद्गुरु अनिरुद्ध बापूंची ‘श्रीकृष्ण’ नामावरील प्रवचने आजपासून सुरू करत आहोत. दि. २९ मे १९९७ रोजी केलेल्या ह्या ‘कृष्ण’नामावरील पहिल्या प्रवचनात सद्गुरु बापू, कृष्णाच्या ‘घननीळ’ रंगापासून सुरुवात करत आहेत. ‘घननीळ’ म्हणजे काय हे समजावता-समजावता, श्रीकृष्णाच्या रंगापासूनच कसे विरोधाभास सुरू होतात ते बापू स्पष्ट करतात. कृष्ण नक्की आहे कसा? गोकुळातला नटखट, लोणी चोरणारा, खोड्या काढणारा श्रीकृष्ण खरा की कालियासारख्या महाभयंकर नागाला मारणारा कृष्ण खरा, भक्तविश्वामध्ये त्या-त्या भक्ताबरोबर रासक्रीडा करणारा कृष्ण खरा की भर रणांगणावर ‘भगवद्गीते’चे सर्वोच्च आध्यात्मिक ज्ञान देणारा ‘जगद्गुरु’ श्रीकृष्ण खरा, भक्ताला आपल्यात गुंतविणारा आणि भक्तामध्ये गुंतूनही अलिप्त राहणारा श्रीकृष्ण खरा की ‘रणधुरंधर’ श्रीकृष्ण खरा....असे हे अनंत....वरकरणी विरोधी भासणारे पैलू असलेला श्रीकृष्ण नक्की आहे तरी कसा? ते सद्गुरु अनिरुद्ध बापू हळुवारपणे उलगडत जात आहेत.

#AniruddhaBapu #krishnabhakti #bhagwadgeeta

©℗
----------------------------------
Join the WhatsApp Channel - https://whatsapp.com/channel/0029Vb9c...

For more information about Sadguru Shree Aniruddha (Bapu) -
Aniruddha Devotion Sentience site - https://aniruddha-devotionsentience.com/
Samirsinh Dattopadhye blog - https://sadguruaniruddhabapu.com
Watch live events - https://www.aniruddha.tv

Know more about the Devotional Services carried out under the guidance of Sadguru Shree Aniruddha (Bapu) -
http://www.aniruddhasadm.com
https://aniruddha-aadeshpathak.com

----------------------------------