Otaq yoldaşını yatdığı yerdə öldürdü | Bakıdakı dəhşətli qətlin təfərrüatı - Baku TV

Описание: Otaq yoldaşını yatdığı yerdə öldürdü | Bakıdakı dəhşətli qətlin təfərrüatı - Baku TV

Bakıda kirayədə qaldığı evdə otaq yoldaşını yatarkən qətlə yetirdikdən sonra cinayəti gizlətmək məqsədilə meyiti hissələrə ayırmaqda təqsirləndirilən Fazil Feyzullayev və Ülvi Abasovun cinayət işi üzrə məhkəmənin baxış iclası baş tutub.
Bakı Ağır Cinayətlər Məhkəməsində hakim Elmin Rüstəmovun sədrliyi ilə keçirilən prosesdə Fazil Feyzullayevin sərbəst ifadəsi dinlənilib. O, İsgəndər Əliyevə yatdığı yerdə yox, mübahisə zamanı xəsarət yetirdiyini söyləyib.
“İsgəndərlə mübahisəmiz onun birlikdə qaldığımız mənzilin kirayə haqqını ödəmək istəməməsi səbəbindən yaranıb. Bu zaman mənə söyüş söydü. Mən də buna cavab olaraq çarpayının ayaq hissəsi ilə başından bir neçə dəfə vurdum. İsgəndər huşunu itirib, yerə yıxıldı”, – deyə Fazil bildirib.
O, meyiti doğramasının səbəbini onu gizlətmək istəməsi ilə əsaslandırıb. Fazilin sözlərinə görə, İsgəndərin meyitini hissələrə ayıraraq, çantalara yığıb və taksi ilə Ağsu aşırımına gedərək, orada dərəyə atıb. O həmçinin vurğulayıb ki, Ülvi Abbasovun onun törətdiyi cinayətdən xəbəri olmayıb.
Mərhumun qardaşı təqsirləndirilənin dediklərinə etirazını bildirib. Növbəti proses aprelin 8-nə təyin edilib.
Qeyd ədək ki, hadisə 2025-ci il avqustun 4-də baş verib. İttiham aktına görə, Fazil Feyzullayev və Ülvi Abasov qabaqcadan əlbir olaraq tamah niyyəti ilə kirayədə birlikdə yaşadıqları İsgəndər Əliyevi yatarkən onun başına çəkiclə zərbələr vuraraq qətlə yetiriblər. Onlar İsgəndər Əliyevə məxsus 300 ABŞ dollarını ələ keçirərək mənimsəyiblər. Fazil Feyzullayevin cinayəti gizlətmək məqsədilə meyiti hissələrə ayıraraq, Ağsu rayonunda müxtəlif yerlərə tullamasına əsaslı şübhələr müəyyən edilib.

Bizi WhatsApp-da izləyin https://whatsapp.com/channel/0029VaAm...

https://t.me/bakutvxeber
https://x.com/bakutvofficial
  / baku.tv  
https://www.baku.tv

Otaq yoldaşını yatdığı yerdə öldürdü | Bakıdakı dəhşətli qətlin təfərrüatı - Baku TV

2026 © All Rights Reserved ℗ "Baku TV" LLC ™


#bakutv #bakutvxəbər #meyit #hissə #otaqyoldaşı #yatdığıyer #bakı #dəhşət #qətl

baku tv,baku tv xəbər, aktual xəbər, Azərbaycan xəbərləri, xəbər, baku tv canlı, gündəm, son dəqiqə, xəbər, Azərbaycanda son xəbərlər, Azərbaycan