Azərbaycana tam dəstək | İranın Naxçıvana hücumu qınanıldı - Baku TV

Описание: Azərbaycana tam dəstək | İranın Naxçıvana hücumu qınanıldı - Baku TV

Türkiyə Prezidenti Rəcəb Tayyib Ərdoğan azərbaycanlı həmkarı İlham Əliyevə zəng edib.
O, İran tərəfindən Naxçıvana edilən dron hücumunu qınadığını deyib və qardaş Azərbaycan xalqına dəstəyini ifadə edib.
Dövlət başçısı telefon zənginə və mövqeyinə görə Rəcəb Tayyib Ərdoğana minnətdarlığını bildirib.
Birləşmiş Ərəb Əmirliklərinin Prezidenti Şeyx Məhəmməd bin Zayed Al Nəhyan da İlham Əliyevə zəng edib.
O, İranın ölkəsinə raket hücumları zamanı dövlətimizin başçısı tərəfindən BƏƏ-yə göstərilən dəstəyə və bu hücumu qınayan mövqeyinə görə bir daha təşəkkür edib. Söhbət zamanı qarşılıqlı maraq doğuran məsələlər ətrafında da fikir mübadiləsi aparılıb.
Latviya Prezidenti isə Azərbaycan dövləti və xalqı ilə həmrəy olduğunu vurğulayıb, hücum nəticəsində yaralananların tezliklə şəfa tapmalarını arzulayıb.
Prezident İlham Əliyevlə telefon danışığı zamanı Edqars Rinkeviçs İranın Azərbaycan ərazisinə hücumunu qətiyyətlə pisləyib.
Dövlət başçısı telefon zənginə və nümayiş etdirilən mövqeyə görə latviyalı həmkarına təşəkkürünü edib.
Söhbət zamanı ikitərəfli münasibətlərin cari vəziyyəti, gələcək təmaslar və əməkdaşlığın perspektivləri barədə fikir mübadiləsi aparılıb.
Özbəkistan Prezidenti Şavkat Mirziyoyev də Prezident İlham Əliyevə zəng edib.
O, İranın hücumunu qınayıb, Özbəkistanın Azərbaycana tam dəstəyini ifadə edərək ölkəsinin hər zaman Azərbaycanın yanında olduğunu vurğulayıb.
Prezident İlham Əliyev hadisə ilə bağlı məlumat verərək hazırda vəziyyətin tam nəzarət altında olduğunu qeyd edib.
Telefon söhbəti əsnasında iki ölkə arasında dostluq, qardaşlıq və müttəfiqlik əlaqələrinin gələcək inkişaf perspektivləri müzakirə olunub.

Bizi WhatsApp-da izləyin https://whatsapp.com/channel/0029VaAm...

https://t.me/bakutvxeber
https://x.com/bakutvofficial
  / baku.tv  
https://www.baku.tv

❂❂❂❂❂

2026 © All Rights Reserved ℗ "Baku TV" LLC ™


#bakutv #bakutvxəbər

baku tv,baku tv xəbər, aktual xəbər, Azərbaycan xəbərləri, xəbər, baku tv canlı, gündəm, son dəqiqə, xəbər, Azərbaycanda son xəbərlər, Azərbaycan