ဂျပန်က စစ်ကောင်စီနဲ့ သံတမန်ဆက်ဆံရေးကိုအဆင့်လျော့ချဆက်ဆံမယ် | People's Spring

Описание: ဂျပန်အစိုးရဟာ မကြာခင်မှာ သက်တမ်းကုန်ဆုံးတော့မယ့် မြန်မာနိုင်ငံဆိုင်ရာ သံအမတ်ကြီး နေရာအတွက် သံအမတ် အသစ်မခန့်အပ်တော့ဘဲ သံအမတ်ထက် တဆင့်နိမ့်တဲ့ သံမှုးကို သံရုံးတာဝန်ခံအဖြစ် ထားရှိပြီး စစ်ကောင်စီကို သံတမန်ဆက်ဆံရေး အဆင့်လျော့ချ ဆက်ဆံမယ်လို့
Japan Today သတင်းဌာနက စက်တင်ဘာ ၂၇ ရက်က ဖော်ပြပါတယ်။

ဒါဟာ မြန်မာစစ်တပ်အာဏာသိမ်းပြီးနောက် သုံး နှစ်ကျော်၊ လေးနှစ်အတွင်း ချဉ်းနင်းဝင်ရောက်လာချိန် မှာ စစ်ကောင်စီနဲ့ သံတမန်ဆက်ဆံရေးကို ဂျပန်အစိုးရ ဘက်က တဆင့်နှိမ့်ချလိုက်တာပါ။

ဂျပန်အစိုးရဟာ ယခင်မြန်မာစစ်အစိုးရတွေလက်ထက်မှာ သံတမန်ဆက်ဆံရေးကို လျော့ ချတာမျိုး မရှိပဲ စစ်ကောင်စီ လက်ထက်မှာမှ သံတမန်ဆက်ဆံရေး လျော့ ချတာလည်းဖြစ်ပါတယ်။

လက်ရှိမြန်မာနိုင်ငံဆိုင်ရာ ဂျပန်သံအမတ်ကြီး အီချီရို မာရူယာမ ဟာ မကြာခင်မှာ သက်တမ်းကုန်ဆုံးတော့ မှာဖြစ်ပြီး သူ့နေရာမှာ အစားထိုးဖို့ သံအမတ်သစ် ခန့်အပ်မှာမဟုတ်ဘူးလို့ ဂျပန်သတင်းဌာနတွေ က ရေးသားပါတယ်။

သံအမတ်ထက် တဆင့်နိမ့်တဲ့ သံမှုးအဖြစ် လက်ရှိ ဒုတိယတန်း သံတမန် ရှိုဂိုယိုချီတာကီ(Mr. Shogo Yoshitake)ကို မြန်မာနိုင်ငံဆိုင်ရာ ဂျပန်သံရုံးတာဝန်ခံ နေရာ ထားရှိဖို့ ဂျပန်အစိုးရက စီစဉ်တာပါ။

အခုလို သံတမန်ဆက်ဆံရေး အဆင့်လျော့ချ ဆက်ဆံခံရတာဟာ စစ်ကောင်စီအတွက် အထိနာသွားစေတယ်လို့ ဂျပန်နိုင်ငံဆိုင်ရာ မြန်မာသံရုံး ပထမအတွင်းဝန် (CDM) ဦးအောင်စိုးမိုးက People’s Spring ကို မှတ်ချက်ပြုပါတယ်။

စစ်တပ်ဝါဒဖြန့် တယ်လီဂရမ် ချန်နယ်အချို့မှာတော့ ဂျပန်သံအမတ်ကြီး အီချီရို မာရူယာမ ဟာ ဒေါ် အောင်ဆန်းစုကြည်ကို ပုဂ္ဂိုလ်ရေးအရ ထောက်ခံအားပေးသူဖြစ်ပြီး လက်ရှိ အာဏာသိမ်းစစ်ကောင်စီခေါင်းဆောင်ကိုမနှစ်မြို့ဘူးလို့ စွပ်စွဲထားပါတယ်။

မြန်မာနိုင်ငံမှာ ၂၀၂၁ ခုနှစ်က စစ်တပ်ရဲ့ တကျော့ပြန်အာဏာသိမ်းမှု ကို ဂျပန်အစိုးရ က ဆန့်ကျင် ရှုတ်ချခဲ့ပေမယ့် စစ်ကောင်စီနဲ့ ဂျပန်ကြား သံတမန်ဆက်ဆံရေးကို ပုံမှန်အတိုင်း ဆက်ဆံခဲ့ပါတယ်။

စစ်တပ်အာဏာသိမ်းပြီးနောက်ပိုင်းမှာ အမေရိကန်အပါအဝင် ဉရောပ နိုင်ငံအများစု က စစ်ကောင်စီနဲ့သံတမန်ဆက်ဆံရေးကို အဆင့် လျော့ချ ဆက်ဆံခဲ့ပါတယ်။

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴
  / ludunwayoo  
𝗬𝗼𝘂𝗧𝘂𝗯𝗲 -    / @peoplespring  
𝗙𝗮𝗰𝗲𝗯𝗼𝗼𝗸 -   / ludunwayoo  
𝗫 - https://x.com/LuduNwayOo
𝗪𝗲𝗯𝘀𝗶𝘁𝗲 - https://www.ludunwayoo.com/
𝗜𝗻𝘀𝘁𝗮𝗴𝗿𝗮𝗺 -   / ludunwayoo  
𝗧𝗲𝗹𝗲𝗴𝗿𝗮𝗺 - https://t.me/peoplespring
𝗖𝗼𝗺𝗺𝘂𝗻𝗶𝘁𝘆 𝗙𝗮𝗰𝘁-𝗖𝗵𝗲𝗰𝗸𝗶𝗻𝗴 – https://t.me/communityfactchecking


#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews