JIZZAX VILOYATIDA IKKI KUNLIK UMUMXALQ XAYRIYA HASHARI YAKUNLANDI

Описание: “Obod va fayzli mahalla — yurt ko‘rki” shiori ostida 13–14-mart kunlari o‘tkazilgan umumxalq xayriya hashari Jizzax viloyatining barcha shahar va tumanlarida hamjihatlik bilan yakunlandi. Ikki kun davom etgan ushbu tadbir xalqimizning azaliy qadriyatlari — mehr-oqibat va daxldorlik hissini yana bir bor namoyon etdi.

Viloyat hokimligi, tuman hokimliklari, davlat va jamoat tashkilotlari hamda keng jamoatchilik vakillari faol ishtirok etishdi.

Koʻtarinki ruhda boʻlib oʻtgan ushbu 2 kunlik tadbirda viloyat bo‘yicha jami 602 415 nafar fuqaro, shundan 271 237 nafari yoshlar ushbu xayrli ishga hissa qoʻshdilar.

Jumladan, 5 167 gektar maydon tartibga keltirildi, 2 462 kilometr uzunlikdagi ariq va zovurlar, lotok tizimlari maishiy chiqindilardan tozalandi, umummilliy loyiha doirasida viloyat bo‘ylab jami 329 220 tup manzarali va mevali daraxt ko‘chatlari ekildi, 239 714 tup mavjud daraxt va nihollarga agrotexnik ishlov berildi, 810 ta qabriston va 80 ta ziyoratgoh hududlari obodonlashtirildi, 8 147 ta ko‘cha hamda 488 ta bolalar va sport maydonchalari ta’mirlanib, tartibga keltirildi, 1 200 dan ortiq ta’lim va sog‘liqni saqlash muassasalari hududlarida keng ko‘lamli tozalash ishlari bajarildi.

Shuningdek, saxovat va ko‘mak tadbirlari hashar doirasida insoniylik va saxovat tadbirlariga alohida e’tibor qaratildi.
📹 Batafsil videolavhada tomosha qiling.