Հարաքաշ - Թորոս Անձայն

Описание: Երաժշտություն, ջութակ՝ Անի Ադիգյոզալյան
Խոսքեր, կիթառ, շվի՝ Ռաֆայել Իշխանյան
Բաս, վոկալ՝ Մհեր Ազիզբեկյան
Վոկալ՝ Տաթև Խաչատուրյան
Հարվածային՝ Ալեքս Ռամոս
__________________________________________________
Harakash - Toros the Voiceless

Music, violin - Ani Adigyozalyan
Lyrics, guitar, tin whistle - Rafael Ishkhanyan
Bass, vocals - Mher Azizbekyan
Vocals - Tatev Khachaturyan
Drums - Alex Ramos
__________________________________________________
Խոսքեր

Թորոս Անձայն

Անխռով, ինչպես սարեր,
Ամեն տուն և ամեն շեն
Քիչ անբան թե ջանասեր,
Կին թե այր, ահել, ջահել

Երգ ու ծուխ վեր կհանեին,
Հազարաշեն տանիքներից,
Արեգակից գինի քաղեին,
Ու հաց քամեին ամեն քարից,

Զնգաց լեռը և երկինքը
Տագնապեց զանգից,
Երբ չոքեց դռանն օտարը,
Որ եկավ հեռու հեռվից,

Նախ եկավ հրով, սրով,
Ապա բերեց հազար ընծա,
Ու երբ սպառվեց ամեն գրոհ,
Հյուսեց դավերն իր անիծյալ,

Ինչ ափսոս քեռի Թորոս,
Ախ ափսոս, ախ ափսոս,
Ինչ ափսոս քեռի Թորոս,
Ախ ափսոս, ախ ափսոս:

Երբ մասուրն եղավ ցորեն,
Եվ ընկույզն եղավ գարի,
Ու կարկուտ դարձավ անձրևը,
Որ թափվեց Քարին տակին:

Ի՞նչ արած, քեռի Թորոս,
Չլսվեց քո ձայնն անխոս
Լեռներում, խոր վիհերում
Անէացավ, կորավ, ափսոս։

Գուցե սեգ սարերից և լեռներից էր
Փակվել հորիզոնը մեր,
Քո ձայնը գուցե մեղրածոր ճառերից էր
Խլացել, մնացել անտեր։
(2x)

Ախ ափսոս քեռի Թորոս, ինչ ափսոս, ինչ ափսոս քեռի Թորոս ...
(4x)

Լռեց երգը և երկինքը,
Արտասվեց մոխրից,
Եվ ցավից սեղմված բռունցքդ,
Արյունով լցվեց նորից,

Ուժ և կամք, իմ ընկեր,
Պիտ քամենք ամեն ողբից,
Կապանքներից կռենք զենքեր,
Երկաթ հանենք ամեն քարից,

Երբ վրեժն այրենք կրկին
Սրտերում՝ որպես ճրագ,
Երբ նորից երկնի երկինքը,
Եվ խաչքար դառնա վիշապ,

Եվ այդժամ, քեռի Թորոս,
Կթնդա քո ձայնն անխոս,
Լեռներում, խոր վիհերում,
Կբացվի մեր արշալույս։

----------------------------------------------
Մեզ կարող եք լսել նաև բոլոր հիմնական հարթակներով՝ Spotify, Deezer, Yandex music, Apple Music...
Ալեքսը ընդունում է հարվածային գործիքների կատարումների պատվերներ - https://www.fiverr.com/emidio_alex