Հարաքաշ - Մինչ կենաց ծառը իր մոտ մեզ կանչի

Описание: Երաժշտություն, ջութակ՝ Անի Ադիգյոզալյան
Խոսքեր, կիթառ՝ Ռաֆայել Իշխանյան
Բաս, վոկալ՝ Մհեր Ազիզբեկյան
Վոկալ՝ Նարինե Ադոնց
Ֆլեյտա՝ Տիգրան Աթանեսյան
________________________________________________
Խոսքեր

Ե՛լ, թամբի՛ր երիվարը ճերմակ,
Ե՛կ սլանանք անսանձ լեռներով,
Կտրենք գագաթներ, վիհեր խորընկա,
Եվ արեգին հետևենք երկնքով։

Արի՛, ընկե՛ր, խմենք դեռ պիտի,
Մինչ կենաց ծառը իր մոտ մեզ կանչի,
Անգամ գագաթներն անդունդներ դառնան,
Ճերմակ լեռները մենք չենք ուրանա։

Ե՛լ, կապի՛ր կայմին առագաստ,
Ե՛լ, նավարկենք յոթ ծովերով,
Ճեղքենք միասին ալիքները անսաստ,
Եվ լուսնյակին հետևենք գիշերով։

Արի՛, ընկե՛ր, խմենք դեռ պիտի,
Մինչ կենաց ծառը իր մոտ մեզ կանչի,
Անգամ թե քամին փոթորիկ դառնա,
Ծովը կանաչ մեր չենք մոռանա։

Ե՛լ, կապի՛ր զենքեր ու զրահ,
Հնչեց ռազմի կանչը փողից եղջերա,
Ինչ էլ սպասվի՝ կամքով աննահանջ,
Ճակատագրին կ(ը)ելնենք ընդառաջ,

Արի՛, ընկե՛ր, կռվենք դեռ պիտի,
Մինչ կենաց ծառը իր մոտ մեզ կանչի
Ծովին, որ մնաց լեռների ետևում,
Պիտ հասնենք վաղը, կամ մյուս կյանքում։

Արի՛, ընկե՛ր, կռվենք դեռ պիտի,
Մինչ կենաց ծառը իր մոտ մեզ կանչի,
Ծովին, որ մնաց լեռների ետևում,
Կհասնենք վաղը, կամ մյուս կյանքում։

----------------------------------------------
Մեզ կարող եք լսել նաև բոլոր հիմնական հարթակներով՝ Spotify, Deezer, Yandex music, Apple Music...