多倫多以北好去處 Innisfil Beach Park 行沙灘

Описание: 多倫多以北生活分享 - 多倫多以北好去處 Innisfil Beach Park 行沙灘
今日假期到加拿大多倫多以北 Innisfil Beach Park 行沙灘! 有得玩水上活動, 包括游水, 揸水上電單車, 快艇, 係多倫多周邊地區好去處!

Innisfil Beach Park 位於 Innisfil, 喺 Simcoe County, 鄰近城市 Barrie 巴里以南, 由多倫多北上去 Innisfil 都唔太遠, 約 1個鐘車程可以到達! 由於屬於東岸嘅多倫多地區唔近太平洋或大西洋, 所以冇海灘, 但喺湖旁邊, 有湖灘! 好多泳灘都係對住 Lake Ontario. 今次分享 Innisfil 呢個 beach 就對住 Lake Simcoe! 雖然 Innisfil Beach Park 沙灘冇香港淺水灣沙灘咁大, 但可以去睇睇, 夏天時喺多倫多地區搵到沙灘可以玩唔算多!

今次特別想分享關於喺 Innisfil Beach Park 泊車. 睇返最近新聞, 原來有市政府因應 COVID-19 疫情唔想太多人同時間到 Innisfil Beach Park, 2021 年5月期間, 開始全公園只準有 pass 或 permit 嘅當地居民, 即係 Innisfil 居民泊車! 就算有啲本來公園內有幾個指定 parking lot 可以比錢入咪錶嘅都唔可以泊! 所以如果大家唔係 Innisfil resident 想揸車嚟 Innisfil Beach Park 要特別小心, 因為實在好難喺合法地點用合法方法泊車! 如果冇 parking pass 喺公園內泊車, 或喺絕大部份公園對出唔比泊車嘅路邊, 甚至公園附近嘅 plaza 等私人地方泊車, 好大機會會收到一張好貴違例泊車罰款告票, 如果只係一心想嚟公園玩, 輕鬆一吓 end up 食牛肉乾就好唔抵! 啲錢用嚟食超豐富自助晚餐好過! 所以如果宜家 COVID-19 期間冇 pass 或係非 Innisfil 居民揸車過嚟呢個 beach 最好先上 Innisfil town 官方網站 check check 睇吓有咩辦法或用自己合法嘅方便嚟啦!

講返 Innisfil Beach Park 就算好多人搵車位泊車極難裏面嘅人真係好多! 可能因為遇上假期, 天氣好, 小朋友開始放暑假, 附近多倫多地區其他可以行吓玩吓嘅沙灘選擇又少, 一家大細出晒嚟 beach 玩啦! 尤其喺更大嗰個沙灘地方唔似全部人 follow 最少兩米 physical distancing. 今次入到公園後去咗一個較少人嘅 beach 行吓, 仲落埋水! 水唔算清, 沙唔幼, 沙灘亦唔大, 但水算更淺, 浪唔大, 景色又好靚, 都幾 relaxing 啦. 除咗有人游水, 仲見到有人玩其他刺激水上活動, 例如揸水上電單車, 快艇, 好有泰國海灘 feel! 沙灘旁仲有一條小堤霸可以比人行出去面向 Lake Simcoe 湖影相! 有啲人喺嗰度 hea, 釣魚, 趴喺地瞓覺都有, 好舒服! 去完沙灘去埋 Innisfil Beach Park 公園其他地方, 例如去第二個好多人嘅沙灘外面小路行吓, 帶小朋友去兒童遊樂場 kids playground 玩!

如果可以解決到難泊車嘅問題, 有時間遊覽一吓 Innisfil Beach Park, 行一行沙灘, 或者研究仲有冇其他多倫多地區更好嘅沙灘可以去!


--------------------
Welcome to 加拿大多倫多以北生活分享 North of Toronto Life! 😊
如果鍾意我 Channel & Videos,
請大家 Like & Subscribe!!
可以 Share 比朋友睇!!
--------------------
YouTube channel URL🎬:
   / northoftorontolife  
--------------------
我會努力繼續分享更多多倫多地區資訊比大家!
多謝各位支持! 😊
--------------------

Video 關鍵字:
#多倫多 #多倫多生活 #加拿大生活 #移民加拿大 #移民多倫多 #香港人在多倫多 #多倫多沙灘 #多倫多公園 #多倫多好去處 #Innisfil #InnisfilBeachPark #LakeSimcoe #多倫多水上活動 #多倫多游水 #水上電單車