Тұзды сордан, ақ шаңнан көз ашпаған халық «Қазмұнайгаз» компаниясына қарсы бас көтерді

Описание: Қазақ жеріндегі мұнайдың қызығын көріп, газы арқылы байып алғандар сондағы жергілікті халықтың мүддесін мүлдем ескермейді десе болады. Шетелдік емес, өзіміздің қазақстандық алпауыттарға арналады бұл сөзіміз. Атырау облысы Мақат ауданы Доссор кенті алғаш қазақ мұнайы атқылаған құт мекен. 100 жылдан астам осы өңірдегі мұнайды өңдіріп келген Қазмұнайгаз компаниясына доссорлықтардың өкпесі қара қазандай. Елді-мекен маңындағы қара алтынды тауысқан компания, соры шыққан жерді жарамсыз күйде қалдырып барады екен. Тұзды сордан, ақ шаң басқан ауыл тұрғындары ашынып, бас көтерді.
Бұл Қазақ мұнайы алғаш атқылаған Атырау облысы Мақат ауданы Доссор кенті. Бүгінде ен байлықтың үстінде отырған елдің еңсесі түскен. Қалашықты тұзды сор басқан. Бұрын биік төбеде тұрған мекен бақандай 11 метрге төмен түсіп кетті дейді тұрғындар. 100 жылдан астам мұнайын сорған компания да, жергілікті билік те бұл мәселеден хабардар болса да үнсіз дейді ашынған ел.
ОРЫНБАСАР МЫҢЖАСОВ, кент тұрғыны:
– 1911 жылден бері майын сорып сорып, төмендеген сайын су аралас шығады. Сол суын жер астына айдамай мына жерге жібере бергеннен осындай сор пайда болды. Енді майын алып болғаннан кейін Доссор керек емес сияқты мына басшыларға
МҰРАТЖАН БИСАХАНОВ, кент тұрғыны
– Жердің астына айдалмаған радиоактивті зиынды қоспалы суды осы сордың бетіне төкті. Енді халқымызда ауру көп. Неше түрлі рак аурулары шығып жатыр. Мен өзім радиоактивті құралмен өлшеп шықтым. Желді күні топырақ көтерілгенде радиация қатты болады.
Осы өңірде кен орындарынан қалған жер жарамсыз күйде жатыр. Экологиялық апаттың аз-ақ алдында, сондықтан бұған жол бермейміз дейді доссорлықтар.
РОЗА ҮМБЕТОВА, кент тұрғыны:
– Қошқар, Комсомол, Байшонас көшіп кеткеннен кейін енді қалған қалдықтарын тастамасын. Жинап кетсін. Біздің Доссорды да солай. Мына сорды босқа жатқызбай үстіне топырақ төсеп, темірлерін нығыздап салып осыны бір күйге айналдырғандарын қалаймыз. Мұнай компания тапқаныма ақшаларына мәз болмау керек. Болашақ ұрпақты ойлау керек
Жергілікті әкімдік бірнеше жылдан бері жұмыс істеп жатырмыз дегенмен тұзды, сорлы аумақтың өлшемін де білмейтін болып шықты. Ал «Ембімұнайгаз» акционерлік қоғамына қарасты басқарма өкілдері бұл мәселе бойынша келіссөздер жүріп жатыр дегенді айтты.
РУСТЕМ АБШЕЕВ, «Доссормұнайгаз» мұнай-газ өндіру басқармасы бастығының орынбасары:
– Бұл мәселе бойынша жоғарғы деңгейде облыс басшылары басқа да мекемелермен келіссөздер жүргізіп, қазіргі уақытта қаралып жатыр.
2013 жылы Доссор кен орнында мұнай өңдіру тоқтатылған болатын.
ЖАНАТ МОЛДАШОВА, тілші:
– Қазақстандағы ең алғаш дәл осы жерде мұнай атқылаған. Бұл Доссордың іргесі. Айналасында мұнай ұңғымаларының орны. Қазір кент маңында мұнай таусылған. Жері мемлекет меншігіне өтпекші. Алайда соры шыққан жерде доссорлықтар сорлап қалмаймыз дейді. Қазмұнайгаз қалыпқа келтірсін, әйтпесе соттасамыз деп отыр.









Бізді әлеуметтік желіде оқыңыздар:
Youtube -   / @informburo31kanal  
Facebook -   / informburo31  
Instagram -   / informburo31  
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#ҚазМұнайГаз #экологиялық_апат #Доссор