SHULE YA SEKONDARI IHUNGO UFUNGUO WA MAISHA YANGU

Описание: Shule ya Sekondari Ihungo mkoani Kagera(St.Thomas) ilianza Mwaka 1947 ikiwa na namba ya usajili S.41. Shule hii ilikuwa na uwezo wa kudahili wanafunzi mia sita (600) kwa kidato cha kwanza hadi cha sita
Shule hii ni mojawapo ya taasisi zilizoathiriwa na tetemeko la ardhi lililotokea tarehe 10/09/2016 mkoani Kagera. Miundombinu yote ya shule iliathirika na tetemeko hilo ikiwemo vyumba vya madarasa, mabweni, vyumba vya maabara,bwalo,vyoo, nyumba za walimu, jengo la utawala, kanisa na miundombinu ya umeme.
Serikali ya Jamhuri ya Muungano wa Tanzania ilifanya jitihada za makusudi za kurejesha hali ya miundombinu pamoja na kuiboresha zaidi . Serikali ilijenga majengo matatu (03) makubwa ya ghorofa yenye vyumba nane (8) vya madarasa na vyumba vitatu vya ofisi kwa kila jengo moja. Jumla ya majengo matatu yenye vyumba vya madarasa (24) vyenye uwezo wa wanafunzi 45 kila mmoja.
Majengo yaliyofanyiwa ukarabati ni pamoja na jengo la utawala, maabara ya Kompyuta, jengo la kilimo,bwalo na maabara za Fizikia, Kemia na Baolojia.
Kama wewe ni mwanafuzi uliyewahi kusoma Ihungo au kufanya kazi katika shule hii katika miaka ya nyuma basi upatapo nafasi ya kutembelea mkoa wa Kagera usikose kutembelea shule yako ya Ihungo ujionee maendeleo ya shule yenye muonekano mpya wenye miundombinu ya kisasa.
“IHUNGO MASTERY FOR SERVICE’