02-сабақ . Махаббаттың бес тілі.

Описание: 📘 ҮЙ ТАПСЫРМАСЫ:
1. Күн сайын 5 түрлі жылы сөз айтып үйреніңіз.
(1 – жігерлендіретін, 1 – кішіпейіл, 1 – мақтау, 1 – қолдау, 1 – мейірімді.)
2. Жұбайыңызға немесе балаңызға “мен сені бағалаймын” деген мазмұнда хат немесе дауыстық хабарлама жіберіңіз.
3. Өзіңізге айтылған жылы сөздерді есте сақтап, солардың сезімге қалай әсер еткенін жазыңыз.
«Кейде адамдар “мен оны жақсы көремін ғой, неге айта беруім керек?” дейді.
Бірақ жүрек естімеген сүйіспеншілік — сезілмеген сүйіспеншілік.
Ал жылы сөз – сол сүйіспеншіліктің естілетін дауысы.»

👉 Соңғы рет жарыңыз сізге жылы сөз айтқанда қандай сезімде болдыңыз?
👉 Ал өзіңіз соңғы рет қашан мақтау айттыңыз?

Жылы сөз тек жәй “сөз” емес. Ол — жанның қуаты, жүректің дәруі.
Әйелге де, ерге де “мен сені бағалаймын”, “сен мен үшін маңыздысың” деген сөз – ең үлкен марапат.
🔹 күйеуі әйеліне:
• «Сен менің өмірімді әдемі еттің.»
• «Сенің мейірімің мені тыныштандырады.»
• «Үйді жылулыққа бөлейтінің үшін рақмет.» -десе
Әйелі еріне:
• «Саған сенемін.»
• «Сен мен үшін ең сенімді адамсың.»
• «Біздің отбасы үшін жасап жүрген еңбегіңе ризамын.»-десе кімге ұнамайды. Ой айтпа маған ондайды деп бетіңді қайтармайды ешкім солай ғой.
🧠 Себебі:
• Ер адам сенім мен құрметті,
• Әйел адам мейірім мен ризашылықты жылы сөз арқылы сезінеді.
💬 4. Практика
Тапсырма:
Жұптар бір-біріне қарап отырып, 3 жылы сөз айтады.
Мақсат – шынайы айту, көзбен байланыс орнату, жүректен шығу. Соны қалай айтқандарыңызды видеоға түсіріп кураторға жіберіңіздер.
Мысалы:
• «Сенің сабырлығың мені шабыттандырады.»
• «Сен менің тірегімсің.»
• «Сен барда өзімді бақытты сезінемін.»

Бір апта бойы байқап көріңіз — сіздің арақатынасыңыз қалай өзгеретінін өзіңіз көресіз. Сәттілік!

📌 Каналға жазылыңыз
📌 Пікірге өз ойыңызды қалдырыңыз
📌 Видеоны жұбайыңызбен бірге көріңіз

Отбасы — кездейсоқ құрылмайды.
Ол саналы түрде құрылады.