Talba għas-Salvazzjoni tal-Erwieħ għall-merti ta' Sidna Ġesu', Sidtna Marija u tal-Qaddisin

Описание: Sors: https://djarjutasantafawstina.wordpre...

For the English Version: https://ruzarji.wixsite.com/diaryofst...

Mid-djarju ta' Santa Fawstina Kowalska paragrafu 1397:

Il-Mulej qalli, "Kull meta tintilef ruħ, din il-ħaġa tnikkitni għall-mewt. Inti dejjem tfarraġni meta titlob għall-midinbin. It-talba li togħġobni l-iktar hija dik li ssir għall-konverżjoni tagħhom. Kun af, binti, li din it-talba dejjem tkun mismugħa."


Fl-Isem tal-Missier, u tal-Iben u tal-Ispirtu s-Santu. Ammen.

Qaddisa Trinita', għażiża Ommi Marija u ħbieb tiegħi Qaddisin, jien nħobbkom u nixtieq nafdalkom l-għeżież erwieħ li għadhom fiċ-ċans li jikkonvertu, fosthom jien, biex dawn tassew jikkonvertu u jaslu għal dik il-qdusija mistennija minnhom.

Missierna u Ħobżna
Sliema u Qaddisa

(fuq l-għaxar żibġiet tal-Kuruna b'7 posti jingħad dan li ġej:)

1. Għażiż Missier Etern, minn qalbi nitolbok biex f’ġieħ il-merti li kisbilna Ibnek u Sidna Ġesu' bil-mod kif għex ħajtu fuq din l-art;

ikkonverti lill-midinbin u wassalhom għas-salvazzjoni eterna. (x10)

(Fl-aħħar tingħad il-Glorja…)

2. Għażiż Missier Etern, minn qalbi nitolbok biex f’ġieħ il-merti li kisbitilna Omm Ibnek u Sidtna Marija bil-mod kif għexet ħajjitha fuq din l-art;

ikkonverti lill-midinbin u wassalhom għas-salvazzjoni eterna. (x10)

(Fl-aħħar tingħad il-Glorja…)

3. Għażiż Missier Etern, minn qalbi nitolbok biex f’ġieħ il-merti li kisbulna l-Qaddisin bil-mod kif għexu ħajjithom fuq din l-art;

ikkonverti lill-midinbin u wassalhom għas-salvazzjoni eterna. (x10)

(Fl-aħħar tingħad il-Glorja…)

4. Għażiż Missier Etern, minn qalbi nitolbok biex f’ġieħ il-merti li kisbilna Ibnek u Sidna Ġesu' permezz tat-Tbatija li għadda minnha fil-Passjoni;

ikkonverti lill-midinbin u wassalhom għas-salvazzjoni eterna. (x10)

(Fl-aħħar tingħad il-Glorja…)

5. Għażiż Missier Etern, minn qalbi nitolbok biex f’ġieħ il-merti li kisbitilna Omm Ibnek u Sidtna Marija permezz tad-Dulur li għaddiet minnu waqt il-Passjoni ta' Ibnek;

ikkonverti lill-midinbin u wassalhom għas-salvazzjoni eterna. (x10)

(Fl-aħħar tingħad il-Glorja…)

6. Għażiż Missier Etern, minn qalbi nitolbok biex f’ġieħ il-merti li kisbulna l-Qaddisin permezz tal-Martirju u Tbatijiet oħra li għaddew minnhom f'ħajjithom;

ikkonverti lill-midinbin u wassalhom għas-salvazzjoni eterna. (x10)

(Fl-aħħar tingħad il-Glorja…)

7. Għażiż Missier Etern, minn qalbi nitolbok biex f’ġieħ il-merti li kisbulna Ibnek u Sidna Ġesu', Omm Ibnek u Sidtna Marija u l-ħbieb tiegħek u tagħna l-Qaddisin;

ikkonverti lill-midinbin u wassalhom għas-salvazzjoni eterna. (x10)

(Fl-aħħar tingħad il-Glorja…)

Grazzi għażiż Missier talli għoġbok tisma' u tilqa' din it-talba tiegħi li jiena għamilt għall-imsejkna midinbin, fosthom jien, b'fiduċja sħiħa fil-ħniena tiegħek bla tarf. Ammen.

Fl-Isem tal-Missier, u tal-Iben u tal-Ispirtu s-Santu. Ammen.