रामगड किल्ला - ७ तोफांचे रहस्य - Ramgad Fort Malvan - Sindhudurg

Описание: आज आपण पाहणार आहोत सिधुदुर्ग जिल्यातील मालवण तालुक्यात असलेल्या रामगड किल्ला. गडाच्या पायथ्याशीच आपल्याला रवळनाथचे मंदिर दिसून येते. त्याच्याच समोर गजलक्ष्मी / गजांतलक्ष्मी शिल्प आणि काही वीरगळी हि दिसून येतात. मंदिरा शेजारील वाटेने चढून वर गेल्यावर मल्लिकार्जुन मंदिर आहे.

१० - १५ मिनिटांच्या चालीने आपण गडाच्या पश्चिमाभिमुख प्रवेशद्वाराजवळ पोहचतो. गडाचे प्रवेशद्वार ८ फुट उंच असून दोन्ही बाजूला १८ फूट उंच बुरुज आहेत. प्रवेशद्वाराच्या आतल्या बाजूला पहारेकर्यांसाठी देवड्यांची योजना हि केलेली आहे.

रांगणा गडाजवळ उगम पावणारी गड नदी पुढे जाऊन समुद्राला मिळते. या गडनदी मार्गे होणार्या व्यापारावर व जलवहातूकीवर लक्ष ठेवण्यासाठी छत्रपती शिवाजी महाराजांनी ‘रामगड’ किल्ल्याची उभारणी केली.
सह्याद्रीच्या मुख्य रांगेपासून सुटावलेल्या एका डोंगरावर हा किल्ला बांधण्यात आला आहे.
१८ व्या शतकात पेशवे व तुळाजी आंग्रे यांच्यामध्ये लढाई झाली. त्यावेळी तुळाजींनी रामगड जिंकून घेतला होता. त्यानंतर पेशव्यांचे सरदार कृष्णाजी महादेव व सावंतवाडीकर यांचा जमाव खंडाजी मानकर यांनी एकत्र होउन फेब्रुवारी १७९६ मध्ये रामगड जिंकला.
६ एप्रिल १८१८ ला रामगड किल्ला अखेर ब्रिटीशांनी जिंकून घेतला. त्यावेळी गडावर २१ तोफा व १०६ तोफगोळे असल्याचा उल्लेख आपल्याला आढळून येतो.
किल्ल्यात प्रवेश केल्यावर उजव्या हाताला तटबंदी ठेऊन सरळ चालत गेल्यावर आपण होळीच्या माळावर पोहोचतो. तेथे ७ तोफा रांगेत उलट्या पुरुन ठेवलेल्या दिसतात. त्यातील सर्वात मोठी तोफ हि ७ फूट लांबीची आहे. या तोफांसमोरच किल्ल्याचे दुसरे प्रवेशद्वार हि आहे. हे उत्तराभिमुख प्रवेशद्वार गोमुखी बांधणीचे आहे. प्रवेशद्वाराच्या आत देवड्या आहेत. परंतू प्रवेशद्वारा बाजूच्या बुरुजांचे चिरे ढासळल्यामुळे प्रवेशद्वारातून रामगड गावातील होळीवाडीत जाणारा मार्ग बंद झाला आहे.
गडाच्या मधोमध बालेकिल्ला आहे. बालेकिल्ल्याचे प्रवेशद्वार हि ढासळलेले आहे. बालेकिल्ल्याच्या प्रवेशद्वारासमोरील तटावर जाण्यासाठी पायर्या आहेत. या तटावर काळ्या पाषाणातील गणपतीची अत्यंत सुबक मुर्ती आहे. बाजूलाच काही शाळूंका आहेत. या तटावरुन दुसर्या बाजूला पायर्यांनी उतरल्यावर आपण किल्ल्याच्या सध्याच्या प्रवेशद्वारापाशी येतो व आपली गडफेरी पूर्ण होते. गडाला १८ फूट उंचीचे १५ बुरुज आहेत. प्रत्येक बुरुजाला ३ दिशांना खिडक्या आहेत. बुरुजांच्यामध्ये १८ फूटी तटबंदी असून तीने पूर्ण किल्ल्याला वेढलेले आहे. गडावर किल्लेदाराच्या वाड्याचा चौथरा आहे. किल्ल्यावर झाडी खूप वाढल्याने आपल्याला गडाचे अवशेष दिसून येत नाहीत.

सिंधुदुर्ग जिल्ह्यातील दुर्लक्षित पण तितका महत्वाचा गड म्हणजे हा रामगड...गड नदीच्या तटावर बांधलेला किल्ला अजून मजबूत स्थिती मध्ये आहे..तर काय काय आहे किल्ल्यात ते पाहण्यासाठी व्हिडीओ पूर्ण पहा...
जाण्याचा मार्ग - कराड - मलकापूर- अनुस्कुरा घाटातून - कणकवली - रामगड
मुंबई हुन - NH 66 _ कणकवली - रामगड
माझा 2 दिवसाचा ट्रेक आणि ठिकाण ...
दिवस पहिला -
रामगड
भगवंतगड
भरतगड
मालवण (मुक्काम )
दुसरा दिवस -
सर्जेकोट किल्ले
रामेश्वर मंदिर
कुणकेश्वर मंदिर
देवगड किल्ला
विमलेश्वर मंदिर


#RamgadFort
#FortsInMalvan
#FortsNearSindhudurg